LU:KKC 16

Aima:nc Okum Kanggabya:ncdc

1Bv odokkcsin agom tadjvgla gvmvnnc tani:kvdv:dcm luto, “mircmnc ami ako dungai, sckkc okum kanggapya:nc dunggaji, odokkc cd tani:dc attarcm mose moyedung cmna bvkkolo:pc lungcngcm lua:bito. 2Odo bv bvm goga:to odokkc bvm luto, ‘Sc okkon nok agomcmjc ngo tadbegdu:nc? Nok kvnam adgabnamlok kanggabya:ncdcm so:pc bi, kapila:nc no kanggapya:ncpc itvla:ma:bong,’ 3Odo cdc kanggapya:ncdc avdc lusuto, ‘Ngo okkom iyya:kun ngok ru:tumdc ngok kvnam adgabya:nam agerdcm ngokkolokkcm la:pakkumvlo? Ngo among tagpcgom pv:namkopc tagla:mang, odokkc ngo kogopcgom anyi:dag. 4Ngo o:ko ipcnammcji kindu:bong, odomvlo tani:kvdv:dc buluk okumkvdv:do ngom torvgsuyc cdvlo ngom okum kanggapya:ncdokkcm la:pakycji.’ 5Cdcmpila bvk ru:tumkc dogcsunckvdv:dcm ako akko:pc gogangange:la, bv gogangar po:namdcm luto, ‘No cddvkopc ngok ru:tummc dorkupcnamc du:n?’ 6Bv luto, ‘Lvngko mu:nko tulangc,’ odo bv bvm luto, ‘Nok kvnam adgabnanc puti:dcm la:tok odokkc mcna:pc tedtungge:la yingokopc adtok.’ 7Odokkc bv akoncm luto, ‘Odokkc no cddvko bikupcnamcn?’ Bv luto, ‘Lvngko mu:nko gewu a:mc’ Bv bvm luto, ‘Nok kvnam adgabnam puti:dcm la:tok, odokkc nv:yingkopc adtok.’

8“Ru:tumdc agom tada:ma:nc kvnam adgabya:nc tani:dcm airu:pc yadnamdcm aipc aidag cmna lugcto; kapila:nc sc mo:pvsok ommang kvdv:dc buluk ope:ncgvng kvdv:dokki ager imvn gvmvnsunamlok pva:lok ommang kvdv:dcmyam yadjo: ya:dag.

9“Ngo nolum lubidung, nolu dormokama:pc pa:nam murkongki ajon jondag, odomvlo cdvlo cdc gvngapycmvlo cdcbulu nolum cdvlosin yogma:nc dungkodo torvgsuycku.

10“Sc:kobv adjio:nc agerlok aipc mcnggap-garapdagnc bojcpaknc agerloksin mcnggap-garapdag; odokkc sc:kobv adjio:nc agerlok yaddagnc bojcru:loksin yaddag. 11Cdcmpcmvlo nolu dormo kama:nc murko:dok lcgangc mcnggapma:ncpc ika:mvlo, sc:kobv nolum aro mitcmircmdcm togclvgycn? 12Odokkc okodc amikcji mcnggap-garapma:mvlo nolum sc:kobv biycn okodc noluk avkcji? 13Oko ager gerya:ncsin ru:tum anyikolok agercm gerbila:mang; kapila:nc bv akoncm tayu:mpa:yc odokkc akondcm aipc mc:pa:yc, cdcmpcmanggom bv akondcm mc:lvgsuyc odokkc akondcm mcpakyc. Nolu Ru:ncpvncmclang murkongcm lckko:pc mc:la mala:mang.”

Jisukc Lunam Agomckkc

(Met 11.12-13; 5.31-32; Mark 10.11-12)

14Parisi:kvdv:dc sc:kobulu murko: mc:bodagaji, cdc appv:dcm tatto, odokkc bulu Bvm luka:la luto. 15Cmpige:la Bv bulum luto, “Nolu cdc tani: kangkolo ainc cmna lusunckvdv:dc, cmpige:la Ru:ncbv noluk asinkvdv:dcm kinabdag; kapila:nc tani: kcra:lo okodcm bottapakpc lusuycnc Ru:ncpvnckc kangkolo cdc kvnggv:pc tayumpcnamc.

16“Lujvglurodc:la lungor lunamkvdv:dc Jo:nkc du:dodo:pc dungai; odokkci Ru:ncpvnckc migom dokodo tadpon lutaddcm lubombikang, odokkc odo appvngc airu:pc mc:pola gva:dag. 17Cmpidaggom taycng amo:tc:la mo:pvsci yogpakpa:ycpc, lujvglurodog abugowko yognamdcmpcyam.

18“Avkc nc:ngcm mcpaknc appv:dci odokkc akonko langkuncdc aima:nc agercm gerdag, odokkc sc:kobv milbo: mcpaknc nc:ngcm la:dagnc bv aima:nc agercm gerdag.

Mircmnc Tani:kolang Lajaru:bv

19“Mircmnc tani:ko dungai, sc:kobv ba:yomcmpc genc odokkc kangkannc ria onnoki sumnam attarcm gcdagai odokkc sc:kobv lo:dvscm mc:po mc:popc kvnggv:pc dopo dowanncm dodungaji. 20Odokkc bvk yabgo gvangkodo Lajaru cmnam opan tani:ko tedla du:dungai tayodc dogvtdomatnamko, 21Sc:kobv mircmnc tani:dok doko tcbuldokkc kcdlednckvdv:dcm dola dotv:supc cmna mc:dungaji; cddo:mang iki:kvdv:dc gva:la bvk tayodkvdv:dcm yagdungai.

22“Opan tani:dc sikang odokkc Ru:nckc lutad lunc kvdv:dc Abrahamkc kcra:do:pc jo:bomkangku. 23Mircmnc tani:dc:sin sikang odokkc agolo yuto; odokkc uiamo:bo dungkangku, kvnggv:pc ipusire:ycm pa:langkula, bv amigcm bcrsa:la ka:to, odokkc mo:tc:pc Abrahammc odokkc Lajaru:mc bvk kcra:do du:dopc ka:to. 24Odokkc bv gogto, ‘Ba:bu Abrahamcv, ngom aya:teipcn, odokkc Lajaru:mc bvk lakke: tubvdokki asiko sudjvngge:la ngok ayoscm ansv:dopc bidopc mclvgtei; kapila:nc ngo sc dorla du:nc vmvso ipusire:ycm pa:la dung?’

25“Cmpige:la Abrahambv luto, ‘Awosa mc:pa:langka nok turra du:dagdo no ainc ainc attarcm pa:to, odokkc Lajaru:bv cdcmv:pc aima:nc attarcm pa:to; cmpige:la su:pak bvm so mc:pomotakku, odokkc no su:pak ipusire:ycm pa:dungku. 26Odokkc cdc appv:dcm mcge:la, ngolu:kkcla: nokkolok pongkokdc bottcru:nc arungko lc:tung nokkolo:pc sc:kobulu gvycnc gvla:ma:dopc cmna, odokkc sc:kosin odokkc ngolukkoso:pc gvla:ma:dopc.’ 27Odokkc bv luto, ‘Cmpcmvlo ngo nom kumdung, Abba, bvm ngok ba:bukc okumpc mclvgpc, 28kapila:nc ngokkc bvro anggoko dung, bv bulum lutadno:doc, ckvma:mvlo bulusin sc ipusire: pangkoso:pc gvpckc.’ 29Cmpige:la Abrahambv luto, ‘Bulu:kkc Mosebv:lang lungor luckvdv:dc dung; bulum buluk lubinamdcm tadmotok.’ 30Odo bv luto, ‘Ma:, abu Abrahama; ckvdaggom sc:koiyc bulukkolo:pc sikolokkc gvladyckunc, bulu asin mc:dvrla mc:latsuycku.’ 31Bv bvm luto, ‘Bulu Mose:mclang lungorlunckvdv:dok agomcm tadma:mvlo sikolokkc turkuncdok agomcmsinci tadma:yc.’ ”

Currently Selected:

LU:KKC 16: MISIBSI

Highlight

Copy