Popular Bible Verses from LU:KKC 16

Share

“Sc:kobv adjio:nc agerlok aipc mcnggap-garapdagnc bojcpaknc agerloksin mcnggap-garapdag; odokkc sc:kobv adjio:nc agerlok yaddagnc bojcru:loksin yaddag.

Oko ager gerya:ncsin ru:tum anyikolok agercm gerbila:mang; kapila:nc bv akoncm tayu:mpa:yc odokkc akondcm aipc mc:pa:yc, cdcmpcmanggom bv akondcm mc:lvgsuyc odokkc akondcm mcpakyc. Nolu Ru:ncpvncmclang murkongcm lckko:pc mc:la mala:mang.”

Cdcmpcmvlo nolu dormo kama:nc murko:dok lcgangc mcnggapma:ncpc ika:mvlo, sc:kobv nolum aro mitcmircmdcm togclvgycn? Odokkc okodc amikcji mcnggap-garapma:mvlo nolum sc:kobv biycn okodc noluk avkcji?

Bv bvm luto, ‘Bulu Mose:mclang lungorlunckvdv:dok agomcm tadma:mvlo sikolokkc turkuncdok agomcmsinci tadma:yc.’ ”

“Avkc nc:ngcm mcpaknc appv:dci odokkc akonko langkuncdc aima:nc agercm gerdag, odokkc sc:kobv milbo: mcpaknc nc:ngcm la:dagnc bv aima:nc agercm gerdag.