JOB 41
41
1 #
Late. 74.14; 104.26; Isai. 27.1 “Ngakuoi in Leviathan na kaikhe thei diei mah?
Ahisihleh khauhuolin alei na khi thei diei mah?
2Anakaw sungah khauhuol na thun thei ding amah?
Hisihleh siakawi in akhagu na vut pailet thei ding amah?
3Aman na kungah zangaina ang ngen ding amah?
kam nem in nang ang houpi ding amah?
4Ama’n nang toh thuhun abawl diei mah?
Kumtawn a na suoh dingin,
ama na bawl diei mah?
5Vate na khawizuol bangin,
ama na khawizuol thei na diei leh,
Ahisihleh na nungahte a dingin,
ama na khi thei diei leh?
6Na lawm leh guolten ama mangin,
ankuong a lui ding uoi mah!
Summet bawlten alah uah,
ama a hawm ding uoi mah?
7Avunte siakuoika in na sun thei ding amah?
Ahisihleh alutang nga matna teipi in,
khaw thei ding amah?
8Atungah na khut koi inlen;
kidounate thei ngitnget lachin,
na bawlkia nawn sih ding hi.
9Ngai in,
ama tunga kinepna khu athawn ahi a,
amu mai in zong mi paikhieh in a um sih diei mah?
10Ama tohthou ngam ding khopin koima ahangsan sih hi.
Ahileh koi ahiei ka mai a ding ngam ding?
11Ka sankia dinga sil hing pe masa koi ahiei um?
Van nuoi pumpi a sil um zousie kei a ahi.
12“A tahsa hiengte ahisihleh asilbawltheinate,
apien hoinate tungtang thu ah,
iim ka nei nawn sih ding hi.
13Apuonsil tungnung pen,
hawhkhiet pieh thei ding koi ahiei?
ahisihleh akamkaina thuo ni toh,
ama zuon ngam ding koi ahiei?
14Amai a kotte hong ngam ding koi ahiei?
Aha kimvel ah zauhuoina a um hi.
15A lipte akiletsahpi ahia,
aguolguol a suoi namna a dettah a,
kikhahkhum bang ahi.
16A kaal a hui lutlouna dinga,
kimat zeta kidaaptuo ahi.
17Khat leh khat akimattuo chiet ua,
phelkhiet thei ahi sih hi.
18Ahahthiei chiengin tunphe aleengkhie a,
amitte gel zong zingmawng mitvunte bang mai ahi.
19Anakawhawm akipat in meikhu apawtdoh a,
meisite aleengdoh zeng zung hi.
20Anakawhawm akipat in meikhu apawtdoh a,
bel a tui kisuong sou leh,
hampa kihal khute abang hi.
21Anahhu in meiholte akuong sah a,
tualeh akam apat in mei kuong apawtdoh hi.
22Angawngah hatna aum ngitnget a,
amai ah lunggimna alaam hi.
23A tahsa kihipte kiptah in akimattuo ua,
phekhiet guol ahisih uhi.
24Alungtang suong bangin atah a,
bu gawtguoina suong nuoipha bangin atah hi.
25Ama athaw chiengin mi hatte azau ua,
azauseng zieh un amauh akimanghil hiel uhi.
26Min ama namsau in sat nanlezong aphatuom sih a,
teipi leh thal leh sia zum in dawt nan uleh zong,
aphatuom sih hi.
27Aman sia zong bupawl bangin angai a,
sum-eng zong sing muotsa bang in angai giap hi.
28Thaltangin ama atai sah zou tuom sih a,
ama dingin suong saili kap zong,
bupawl bang giap ahi hi.
29Phohbulte zong ama a dingin,
bupawl bang giap a ngai ahia,
chieng zum a khawte anuisan giap hi.
30Anuoilang pen belphou keh hiem bang ahia,
buonnawi tunga bu satna chieng bangin akipha hi.
31Tuithuh pite zong belta tuisou abang sah a,
Tuipi zong bel sunga sathauman bel bangin abawl hi.
32Aman apeina nuo zousie ataangsah selsol a,
miten tuithuhpi khu samkang bang asa ding hi.
33Leitungah ama banga zaulou a siem,
ganhing dang a um sih hi.
34Aman akisang sah leh kiliensah zousie a en a,
akisathei zousie tunga leengpa ahi.”
Currently Selected:
JOB 41: ZOUBSI
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.