JOB 42
42
1Tuachi’n Job in Mangpa adawnga,
tambang in agen hi:
2“Nang silbangkim nabawlthei hi chileh,
na sil tupte koima khamthei ahisih,
chi ka thei hi.
3 #
Job. 38.2
Nang, theina neiloupi a,
thuhilna phuolgu koi ahiei?
chiin na donga,
tuaziehin ka theisiemlou kei a dinga,
lamdang taluo silte ka gendoh khat a hi.
4 #
Job. 38.3
Ngai in,
ka hing ngen a hi,
thu ka hing gen dinga,
tualeh nang ka hing phuut dinga,
nangman ka kungah phuongdoh in,
na hing chi hi.
5Ka bil ngel in na thugen ka zata a,
tu’n vang ka mit mama in ka hing muta hi.
6Tuaziehin keima leh keima ka ki kidah a,
leivui leh vut lah ah ka kisiata hi.”
Pasian in mipil thumte ahousietna
7Mangpa’n Job kunga tam thute agen zou nuain, “Mangpa’n Teman mi Eliphaz kungah, ka lungthahna nangma tung leh na lawm nite tungah akuong hi; azieh pen ka suohpa Job banga nouten ka tanchin adihtah na genlou zieh uh ahi. 8Tuaziehin tuin bawngtal sagi leh belamtal sagi kai unlen ka suohpa Job kungah pei unlen, nou a dingin halmang sillat lan unlen, tuachi’n ka suohpa Job in noute adingin thu ahing nget pieh dinga, ama ziehin ka sang dinga, na khelna dungzui un na tung uah ka hing thuh sih ding hi. Ka suohpa Job bangin ka tanchin dihtah nouten na gen sih uhi,” achi hi.
9Tuachi’n Teman mi Eliphaz leh Shuhmi Bildad leh Namathmi Zopharte ava pei ua, Mangpa’n akung ua agen bangin ava bawlta uhi, tuachi’n Mangpa’n Job thungetnate ana pompiehta hi.
Mangpa’n Job aguolzawlna
10 #
Job. 1.1-3
Tualeh alawmte dinga thu angetpieh lai in, Mangpa’n Job manna zousie ape kia a, Mangpa’n aguolzawl a, anei leh lamte nidang a sanga aleni a tamzaw apieh be kiata hi. 11Tuachi’n akungah asanggam pasalte leh asanggam numeite zousie leh masang lai a, ameltheite zousie ahing pei khawm ua, a innsungah ama toh ann ane khawm ua, tualeh amaun Mangpa’n atunga atunsah silhoilou zousie tungtangah ama ahenem ua, ahamuon uhi; tualeh michin in sum neu khat chiet leh sana khutsip khat chiet apie uhi.
12Tuachi’n Mangpa’n Job khu nidanglai sangin ahun nukhia lamah nahpitah in aguolzawl a, tuachi’n aman belam tul sawm leh li leh sangawngsau tul guh leh bawngtal kop tul khat tualeh sabiltung tul khat aneita hi. 13Aman tapa sagi leh tanu thum zong anei hi. 14Amasapen min Jemimah achia, anina nu min Keziah achi a, athumna nu min Keven happuk achi hi. 15Tuachi’n gamsung pumpi ah Job tanute banga melhoi numei a um sih a, tualeh apa un asanggam pasalte u’lah ah amauh goutan zong ahawm pieh hi. 16Tamte nuain Job kum za leh kum sawmli adam a, atapate, atupate khang li na tandong a mu hi. 17Tuachi’n Job khu teh mama in kum tampi dam in ashita hi.
Currently Selected:
JOB 42: ZOUBSI
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.