JOB 40
40
1Tuathamlouin Mangpa’n Job adawnga,
tambangin agen hi.
2“Bangkimbawltheipa toh kikhingpa’n,
ama athuhil diei mah?
Koi zong Pasian toh kiniel miin,”
tami dawng heh.
3Tuachi’n Job in Mangpa adawng a,
4“Envawi,
Kei bangmatham ka hisih hi,
nang bang ka hing chi dawn diei?
Ka khut in kakam ka hum hi.
5Khatvei ka genta a,
hinanleh ka dawng sih ding hi,
nivei thu kagenta a,
ka ham nawn sih ding hi,” achi hi.
6Tuachi’n Mangpa’n pingpei lah a,
kipat in Job adawnga;
7“Ki pasal sah inlen na kawng gah inlen,
thu ka hing dong dinga,
ka kunga na phuondoh ding ahi.
8Ka vaihawmna bangmalou suohsah ding,
na hiei mah?
Nangma siem na kitantheina dingin,
kei hing mawpai ding na hiei mah?
9Pasian bangin bantha na nei ei mah?
Ama bangin aw in,
van na ging sah thei ei mah?
10“Nang leh nang hoina leh,
za umna toh kizem inlen,
thupina leh kilawmna toh kithuom ve leh.
11Na lungthahna dimlet zousie,
tuibangin bokhe sieng inlen,
mi kisathei chinteng en inlen su ngiem in.
12Mi kiliensah zousie en inlen ngiemkieh sahin,
tualeh migiloute adinna mun uah tuonchil in.
13Amaute abawn un leivui lah ah phuol khawm inlen,
miel kiphuol lah ah amaite uh kaan in.
14Tuachi’n na khut zietlam in,
nang ahing hundam thei hi,
chi keima mama in na kungah,
ka phuongkhe ding hi.
15“Enin tuin Nangma toh ka siemkhawm,
Behemeth#Behemoth: chihnawng lah a um tui-sai, Izipt gam a um gamsa zat khat. in bawngtal bangin,
hampa ane hi.
16Enin tuin akawngah a thahatna a um a,
tualeh agilpi satel lah ah thahatna aum hi.
17Amei sidar sing banga khau in apiesah a,
amalpi thahuite ka phankhawm hi.
18Agute sum-eng zawl bang mai ahi a,
agu leh taangte sia chieng banga khau ahi.
19“Ama khu Pasian khut suohte lah a,
akhatna pawl ahi a,
ama siempa’n anamsau toh,
ama kunglam azuon thei giap hi.
20Adihtahin taangten a ann neh ding apieng sah ua,
gamsate zousie khunah akimawl uhi.
21Ama thamna pah#Thamna pah = diil sunga pahpe lien leh hoite ahia, eiham tuipi pah chi thei ahi Lotus (Eng) kung nuoite ah aboh a,
Luonglau phung leh chihnawng lah ah.
22Thamna pah kungbawh limten,
ama alie khum ua,
tualeh lui gei a huisum singten,
ama a imkuol uhi.
23En vawi luidung tuilet henlen,
luonkhum nanleh apatau sih hi,
Jordan lui akam dong hum in
luong nanleh alung muong hi.
24Akiven laitahin mi’n siakawi in,
ama aman thei diei?
ahisihleh anahkuo thangin,
avutpailet thei ding amah?
Currently Selected:
JOB 40: ZOUBSI
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.