JOB 39
39
1“Kawl lah a sakelte nou nei hun na thei ei?
Ahisihleh sakhiten bang hun chienga,
nou anei uh ahiei na chiemte thei ei?
2Ha hiza sung agai uh chi na sim thei ei?
Tualeh asuoh hun uh na thei ei?
3Amaute abohsuh ua anoute asuoh sah ua,
asuohzou chiengun anauvei natna uh abeita hi,
4Anoute uh ahing hat ua,
gamlah ah hampa nein ahing khanglien ua,
avahkhie ua ahing kinuale kia nawn sih uhi.
5“Gamsabiltung zalen tah a hakhie koi ahiei?
Koi ahiei akhina khaute sutkhie?
6A inn dingun gamlah ka bawl a,
atenna ding un gamdai ka pie hi.
7Aman khopi sung buoi vengvung khu anuisan giap a,
tualeh sakolleng hehte kikou awging angaisah sih hi.
8Muoldungte khu ama gamtatna mun ahi a,
tualeh hampa hingte asui kawi kawi hi.
9“Gambawngtal in na nna asem nuom diei mah?
Ahisihleh na gan ann piehna kuong gei ah,
azan gieh nuom diei le?
10Loukaina langkawn khu angawngah,
khau in nakhi theina diei leh?
Ahisihleh na nua a pei in lou nakai sah theina diei leh?
11Athahat mama ziehin,
na muong theina diei leh?
tualeh na nasep ama tungah na ngansie ngam na diei?
12Na bu leh balte na inn a hing nawnlut ding leh,
na buphuol a na bute hing nawnkhawm dingin na gingta diei?
13“Ostrik#Ostrik = Gamva kengsang leh lien, ahi in ahate ki uongsahtahin
azap nanleh hakuite leh,
multe vahuong a bangin akituupna amah?
14Ostrik in lei lah ah tui atha a,
leivui in a op lumsah hi.
15Keeng in tuonkek kha ding,
ahisihleh gamsain tuon keh,
khava chi khuolse louin,
amanghil leng hi.
16Ama noute nangawn ama a bangloutahin,
huhamtah in akeem a,
asepgimna khu amawhna suoh khava chi zauna a neisih hi.
17Aziehpen Pasian in ama pilna alahmang pieh a,
theisiemna zong ape sih hi.
18Tai ding a ahate azah chiengin sakol leh,
atunga tuongpa anuisan hi.
19“Sakol kungah hatna na pie ei mah?
amulnem in angawng na tuom eimah?
20Khauphe bangin ama na zausah thei eimah?
anahkawhawm a hu pawt khu chizat ahuoi hi.
21Akengchin in phaijangte a khuot a,
a hatna aki pah pi hi,
kidouna kigal thuom mi kituohpi dingin,
apawtkhie hi.
22Aman zauna anuisan a azau ngai sih a,
namsau lah ah akinua hei ngai sih hi.
23Atungah thaltang bawm aging leng lenga,
teipi leh chieng zumte ate set set hi.
24Giinhuoi tah leh thangpaina toh,
lei akhuot gup gup a,
Pengkul ging azah chiengin,
ading khinkhien thei sih hi.
25Pengkul a gin chiengin, Ehe! achi a,
gamlapi akipat kidouna husa leh,
gal lamkaite thupieh kikou leh,
galnawhna kikou thawm ging zong athei hi.
26“Nangma pilna zieha mupi leeng tou a,
simlam nawt a aha zah ahiei mah?
27Muvanlai leengtou a,
sangtah a bu ava bawl khu,
nangma thupieh zieh ahiei mah?
28Ama kawlkhou tungte ah atenga,
suongkawhawm muonhuoina munte ah agieh leeng hi.
29Tuana kipat in neh ding asui a,
gamlapi a kipat in ganhing amat dingte,
agal mu pai hi.
30 #
Mat. 24.28; Luk. 17.37 Anouten zong sisan atawp ua,
akithatsa saluongte umna munah ama zong a um hi.”
Currently Selected:
JOB 39: ZOUBSI
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.