SIEMCHILBU 33

Jakob leh Esau kimuna

1Tualeh Jakob in dahtou a a-et leh ngaivawi, Esau khu pasal zali toh ahing pei hi. Tuachi’n aman atate khu Leah leh Rachel leh a suohnu nite kungah ahawm khen a. 2Tualeh suohnute leh atate uh amasapen in akoi a, Leah leh atate a ban ah akoi a, tualeh Rachel leh Joseph anukhiapen ah a koi hi. 3Tuachi’n ama khu amasang uah apei a, a upa kung atun masangin sagi vei tuol suin a bawhkhup hi. 4Tualeh Esau khu ana lamtuo dingin a tai a, a poma a ngawngkawi a atawpta hi. Tuachi’n ani un akap tuohta uhi. 5Tuachia Esau adah leh numeite leh naupangte amu a, “Na kunga umte koite ahiei?” achi hi, aman “Pasian in hepina toh na suoh ahing pieh naupangte ahi uhi” achi hi. 6Tuachi’n suohnute khu atate utoh ahing pei ua, kunin chibai abuh uhi. 7Tualeh Leah zong atate utoh ahing pei nai ua, kunin chibai abuh ua, tuazou in Joseph leh Rachel ahing pei ua kunin chibai abuh uhi.

8Tuachi’n Esau in a kungah, “Ganhon ka hing kituohpi tengpi bang chidan ahiei?” achi hi, aman, “Tamte ka mangpa mitmu a hepina ka mu theina ding ahi.” Achi hi. 9Hinanleh Esau in a kungah, “Nau aw, kenzong kichingtah in ka neina hi, nanei zousie nanga hizaw heh” achi hi.

10Tualeh, Jakob in, “Hilou e, na mitmu a hepina ka mu leh hepitahin ka nuomman hing piehte hing sanpieh in, aziehpen Pasian mel mu bangin na mai ka mu a, ka tungah lah na kipah ngal a. 11Pasian in ahing khotuo ziehin hunkhop tahpi ka nei a, ka guolzawlna don, ka hing puohte hing sanpieh in chiin ka hing ngen ahi, achi a,” tualeh azawl paupau ziehin alata hi. 12Tuachi’n Esau in, “Kisa’n pei vaiin, keiman ma kai vangin zawhkhawm vai,” achi hi.

13Hinanleh Jakob in a kungah, “Naupangte aneu seng nalai uh chileh belam hon leh bawngnou hat nailoute ka kungah aum uhi, chi ka mangpa’n na thei hi achi hi, ni khat maimai zong hattah a akihawl leh ganhon zousie ashi sieng ding uhi. 14Hepitahin ka mangpa, na suohpa masangah pei inlen, tualeh Seir#Seir: Edom gam china taanga ka mangpa kung ka hing tun masang sien, ka masanga pei ganhonte leh naupangte ahi thei dan danin awlnou nouin hing zawpi vang” achi hi.

15Tualeh Esau in, “Tuin ka kunga um mi khenkhatte beeh hing nuasie lenglah,” achi hi. Hinanleh aman, “Bang ngaise ding e? Ka mangpa mitmu in hepina hing musah mai vawi?” achi hi. 16Tuachi’n Esau khu tuami ni in Seir tanglam zuonin akia kiata hi.

Jakob Kanaan ah atengta

17Tualeh Jakob pen Sukkoth#Sukkoth: Khawlmun/giehmun china zuonin a pei a, ama dingin inn khat aki lam a, agantate dingin buh khat alampieh hi. Tuaziehin khum mun khu Sukkoth akichi hi.

18Tuachi’n Jakob Padan-Aram gam a kipat ahing pei a, Kanaan gam a um Shekem khopi ah damtahin ahing tunga, apuon-inn khopi mazon ah azahta hi. 19#Josh. 24.32; Jn. 4.5Tualeh Shekem pa Hamor tate khut apat gam neunou khat Dangka za khat in a lei a, tuanah apuoninn azahta hi. 20Tuachi’n khum munah maitam khat adaw a, amin El-elohe Israel aphuo hi.

Currently Selected:

SIEMCHILBU 33: ZOUBSI

Highlight

Copy