THILSIAM THU 35
35
Bethel Ah Jakob Chiakitna
1 #
Thl 28.11-17
Pathian in Jakob kiang in, “Kipan inla, Bethel ah chia to in, zia tak ah chun chêng inla; la u Esau kiang ah kipat la tai mang lai ah la kiang ah kilâk Pathian â ding ah khan mâichâm siam in,” ti’n a hil ah.
2Tichun, Jakob in a chanaute leh a kiang ah um zosia kiang in, “La lak ua gam dang pathian um zosia pai mang unla, kihithiangtho unla, la puanteu le theng un:
3Kipan hitiu in, Bethel ah chia to hitiu; tichun, ka lungjin lai ah ei dawnhu ah, ka chiana lam zosia ei kitonpi zing, Pathian â ding ah mâichâm ka bawltheina dingin,” ti’n a gen a.
4Chutichun, pathian dang a la nei zosiau leh a bil ua a bateu zosia, Jakob kiang in a hun piau ah; Jakob in ziate chu Shekhem khua kiang daipâm ah gangpi thingbul nuai ah chun a vui mang tai.
5Chutia, a chia pek lai ua chun, a kîmvêl ua khawpite chung ah chun Pathian launa a um ah; tichun, kuama’n Jakob chate chu a del ta puau a.
6Jakob chu a kiang ah um zosia tawh Kanaan gam ah Luz khua (Bethel le kiti) chu a hung tung tau a.
7Zia tak ah chun mâichâm a siam ah, a u kiang ah kipat a tai mang lai ah, Pathian a kiang ah a la kilâk ziakin, a mun chu El-Bethel#zia chu, Pathian In, ti’na ahi a sak tai.
8Rebekah donnu Deborah chu a thi ta’n, Bethel nuai lam ah gangpi thingbul nuai ah chun a vui tai: zia mun chu Allon-bakuth#zia chu, Kâna thing, ti’na ahi a sak tai.
9Paddan-aram gam ah kipat Jakob a hung pawt daw lai in, Pathian a kiang in a vakilâk kit ah, a maljawl ta’n.
10 #
Thl 32.28
Pathian chun Jakob kiang in, “La min Jakob ahi’n, la min chu Jakob hita pua’n tin, Israel hizaw ta’n a,” a ti tai. Tichun, a min chu Israel sak ahi tai.
11 #
Thl 17.4-8
Chuleh, Pathian in a kiang ah, “El Shaddai chu ka hi; la chisuan pha hen la, hung pung ta’n; nam pakhat leh nam chi chuam chuamte la lak in hung piang in la khalbe’ kipat hin leng leh lalte le hung pawt in au.
12Abraham tawh Isak kiang ah gam ka la piak kha nangma kiang ah hun pia’ng ka tin; chuleh, la nung ah la suan leh pâkte kiang ah zia gam chu pia kit ing ka,” a ti tai.
13Chuleh, Pathian in ama a ho’na mun ah kipat chun a chia to san kit a.
14 #
Thl 28.18,19 Jakob in ama a ho’na mun tepte’na dingin suangphu a bawl ah; a chung in dawn chi thilpiak a sung ah, sathau a sun khum tai.
15Chutichun, Pathian in ama a hona mun min chu Jakob in Bethel a sak tai.
Benjamin Pianna leh Rakhel Thi’na
16Bethel ah kipat chia pek in, Ephrath khua a tunna ding uh gamla thim tak hi nalai in, Rakhel chun nau a vei ah, a gim ma ma ta’n.
17Gim tak ah a thok zing lai ah chun a naulai domnu chun, “Lau kin, chapa dang nei kit ding la hi,” a ti’n.
18A thi ding kua’n ah chun a min dingin Benoni#zia chu, Ka lungngaina chapa, ti’na ahi a sak in; himaleh, a pa chun vang Benjamin#zia chu, Chapa, vangphatna dongpa, ti’na ahi a sak hi.
19Rakhel chu a thi ta’n, Ephrath khaw zotna lampi chun a vui tau a. (Ephrath khua chu Beth-lehem ahi.)
20A thân chung ah chun Jakob in suang a phu ah: Zia chu tu’tiang hin Rakhel thân suangphu a hizing tai.
21Ahi’n, Israel chu a chia pek ah, Eder Insâng khêl ah puan In a jak tai.
22 #
Thl 49.4
Zia gam ah chun Israel a châm sung in Reuben chun a thâikem Bilhah chu a valuppi ah, Israel in zia chu a he tai.
Chuleh, Jakob chate chu pawsal sawm leh ni a hiu a.
23Leah chate chu: Reuben (Jakob cha upa pen,) Simeon, Levi, Judah, Issakhar tawh Zebulun a hiu a;
24Rakhel chate chu: Joseph tawh Benjamin a hiu a.
25Rakhel suaknu Bilhah chate chu: Dan tawh Naphtali a hiu a.
26Leah suaknu Zilpah chate chu: Gad tawh Asher a hiu a. Ziate hi Jakob chapate, Paddan-aram gam ah a neite chu a hiu hi.
Isak Thi’na
27 #
Thl 13.18
Jakob chun Kiriath-arba khua, Abraham tawh Isak umna Mamre mun ah a pa Isak kiang a hung tung ta’n (Kiriath-arba khua chu Hebron ahi.)
28Isak dam sung chu kum za leh sawmgiat ahi.
29Chun, Isak chu a thi ta’n; upa tak in a têk thi tai. A chipite kiang ah vui in a um tai: a chapa Esau leh Jakob in a vui tau hi.
Currently Selected:
THILSIAM THU 35: VAIPBSI
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
