THILSIAM THU 36
36
Esau Suante
(1 Kh 1.35-42)
1Ziate hi Esau suante chu a hiu ah (Esau chu Edom ahi.)
2 #
Thl 26.34
Esau chun Kanaan gam nungakte ji’n a nei ah; Hit mi Elon chanu Adah tawh Hiv mi Zibeon chapa Anah chanu Oholibamah te chu a kichenpi a;
3 #
Thl 28.9
Ishmael chanu, Nebaioth suapinu Bashemath chu tawh a hiu a.
4Chun, Adah in Esau â dingin Eliphaz a hinpiak ah; Bashemath in Reuel a hing in;
5Oholibamah chun Jeush, Jalam tawh Korahte hi a hing ah. Ziate chu Esau in Kanaan gam ah chapa a neite chu a hiu a.
6Esau chun a jite, a chapate, a chanute, a Inkuanpite zosia, a gan honte, a gan nei zosia tawh, Kanaan gam ah a lâk khawm zosia chu a somdok a: A nau Jakob kiang ah kipat chun gamla tak in a chia mang tai.
7A thil neiteu chu a tam talua’n, a chêng khawm thei ta puau ah; a gan honteu tam ziakin a malzinnau gam chun a dawl ta puai.
8Tichun, Esau chu Seir tâng gam in a chêng ta’n: Esau chu Edom ahi.
9Ziate hi Seir tâng gam ah Edom suante hun suanpa Esau suante chu a hiu a.
10Ziate hi Esau cha pawsalte min chu ahi: Esau ji Adah chapa Eliphaz tawh, Esau ji Bashemath chapa Reuel.
11Eliphaz chate chu: Teman, Omar, Zepho, Gatam tawh Kenaz.
12(Timna chu Esau chapa Eliphaz thaikêm ahi: ama chun Eliphaz chu Amalek a hinpiak ah.) Zia haw zosia hi Esau ji Adah suante a hiu a.
13Chun, ziate hi Reuel cha pawsalte chu a hiu: Nahath, Zerah, Shammah tawh Mizzah. Ziate hi Esau ji Bashemath suante chu a hiu a.
14Ziate hi Zibeon tunu, Anah chanu Esau ji Oholibamah chate chu a hiu a: Ama chun Esau chu Jeush, Jalam tawh Korahte hi a hinpiak hi.
Edom Lengte leh Phungguiteu
15Ziate hi Esau cha pawsalte lak ah hotute#36.15-42 sung ah, hotute ti leh mi liante kiti hi, Nam a hem Phung a hem, kiti leh dikzaw mai thei ahi chu a hiu ah: Esau chapa upa pen Eliphaz cha pawsalte chu: Teman, Omar, Zepho, Kenaz,
16Korah, Gatam tawh Amalek. Ziate hi Edom gam ah Eliphaz lak ah hung pawt miliante chu a hiu ah; ziate chu Adah suante chu a hiu.
17Ziate hi Esau chapa Reuel suante chu a hiu: Nahath, Zerah, Shammah, Mizzah: ziate chu Edom gam ah Reuel lak ah pawt miliante chu a hiu ah; Esau ji Bashemath suante chu a hiu.
18Ziate hi Esau ji Oholibamah suante chu a hiu: Jeush, Jalam tawh Korah: ziate hi Anah chanu Esau ji Oholibamah suante chu a hiu a.
19Ziate hi Esau suante leh a lak ua hotute chu a hiu (Esau chu Edom ahi.)
20Ziate hi Hor mi Seir chapa, zia gam ah um te chu a hiu: Lotan, Shobal, Zibeon, Anah,
21Dishon, Ezar tawh Dishan: ziate hi Edom gam ah Seir chapa Hor mite lak ah hotute chu a hiu a.
22Lotan chate chu Hori tawh Heman a hiu ah; chuleh, Lotan suapinu chu Timna ahi.
23Ziate hi Shobal chate chu a hiu: Alvan, Manahath, Ebal, Shepho tawh Onam.
24Ziate hi Zibeon chate chu a hiu: Aiah tawh Anah: zia Anah hin, a pa Zibeon sabiltung a chin lai ah gamkeu ah Tuinâk a mudok hi.
25Ziate hi Anah chate chu a hiu: Dishon tawh Anah chanu Oholibamah.
26Ziate hi Dishon chate chu a hiu: Hemdan, Eshban, Ithran tawh Cheran.
27Ziate hi Ezer chate chu a hiu: Bilhan, Zaavan tawh Akan.
28Ziate hi Dishan chate chu a hiu: Uz tawh Aran.
29Ziate hi Horte lak ah hotu hung pawtte chu a hiu ah: Lotan, Shobal, Zibeon, Anah;
30Dishon, Ezer tawh Dishan. Ziate chu Seir gam dan gual ah Horte lak ah hung pawtdok hotute chu a hiu a.
31Ziate hi Israelte’n leng him him a nei masang ua Edom gam ah leng vaihawmte chu a hiu a.
32Beor chapa Bela chun Edom gam ah vai a hawm in; a khawpi min chu Dinhabah ahi.
33Bela chu a thi phatin, Bozrah khua mi Zerah chapa Jobab chun a thasâng in vai a hawm tai.
34Jobab chu a thi phatin, Temante gam ah mi Husham chun a thasâng in vai a hawm tai.
35Husham chu a thi ta’n, Bedad chapa Hadad, Moab gam ah Midiante thatgampa khan a thasâng in vai a hawm tai; a khawpi min chu Avith ahi.
36Hadad chu a thi phatin, Masrekah mi Samlah chun a thasâng in vai a hawm tai.
37Samlah chu a thi phatin, Euphrates luipi pâm ah Rehoboth khua mi Shaul chun a thasâng in vai a hawm tai.
38Shaul chu a thi phatin, Akbor chapa Baal-hanan chun a thasâng in vai a hawm tai.
39Akbor chapa Baal-hanan chu a thi phatin, Hadar chun a thasâng in vai a hawm ta’n; a khawpi min chu Pau ahi’n; a ji min chu Mehetabel a hia, ama chu Mezahab chanu Matred chanu ahi.
40Ziate hi a sungkuan dungzui leh a chênnau mun dungzui ah Esau suan ah hotute min chu a hiu: Timna, Alvah, Jetheth,
41Oholibamah, Elah, Pinon,
42Kenaz, Teman, Mibzar,
43Magdiel tawh Iram; ziate chu a gam ua a umnau dungzui ah Edom suante lak ah hotute chu a hiu a. (Esau chu Edomte suanpa chu ahi.)
Currently Selected:
THILSIAM THU 36: VAIPBSI
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
