INCHŌḴ-OṘÔ 9
9
Ngam Mikah Tö Ngam Öt Mikah
1Mānlö patī chu an ngam mikah, asöklö nup tösat an inrē machööḵlö.
2Ṙatnyö likeun chehenre an tö töṙeūla, katĕh ngam vāin re nö ngaich, lēnö tī an nö ngaich tö ngam mīs.
3Ngaich an nö tīnngö tarikre kikānö nö havëtö yip aṅ lā tulöng chūök: el panam,
4Öp töt akahaṙā, hökngen ò nö kānhötre nö ihih. Ngö ṙô an nö in ò öp töt akaha,
5Tā-a, nyā nyā-aṅkūö chu òk öp katĕh chu inrē vāin.
6Ṙāngö ngam öt mikah, ngaich ngöh aṅ, lök el ngam talöökö lā tuhēt mat inrē.
7Ngòh vamëkö tö mināich kē öt linëkö elnang re, anga-aṅ ngòh vamëkö tötlöök tarik kēḵ inchököre.
8Un vëkö tö mināich, tön surīkhen meh an min; vëkö tö akaha tarik, ngaich hāngenlōn anga-aṅ tö meh min.
9Haköptö tö akaha tarik, ngaich anga-aṅ nö ṙūölen re nö akahaṙa; haköptö tölöök tarik, ngaich ṙūölenre anga-aṅ min nö haköp.
10Ranehlö mikah an ngam pinhë-eṅkūö tö ngam Mā Tēv, lā tuhēt mat inrē ngam inkaha ngam Töhet.
11Pòn lökten in chu min minë sakāmö meh nö ṙūölöre ṙôken, minë samyeūheu meh min inrē nö ṙūötö nômö meh.
12Yē meh akaha, akaha me-eṅ inrē, yē meh mināich, hĕng kūö min me-eṅ keūnö e.
13Tö maṙën ṙô ön ngòh tö kulō-ovö kikānö; töt lanāken ön öt akahakūö inrē tö sumrōngkūö.
14Ūichhak an i kūö inkūp patī re, kēḵ anūchöre an nö el chūök mā el panam,
15Havëkö yip töng chamööḵngöre, yip töng mahachipkūöre inrē nö kiröönngöre,
16Öp töt akahaṙa, hökngen ò nö kānhötre nö ihih? Ngö ṙô inrē tö ò öp töt aṅhav-in tö mikah,
17Pachāka nun në tö ulāyi mak, kuchik inrē në nyā-aṅkūö tö ulāika nyinā-aṅ.
18Öt akahalōn pöri anga-aṅ töp kupah nö umuh, tö ngam ngahöönkö ò inrē nö el öp tö-aṙū Chūök Kupah.
Currently Selected:
INCHŌḴ-OṘÔ 9: CANIBSI
Highlight
Share
Copy
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
