ZEKARIA 12
12
Ashiau Nouko Yirusalem Kipsanau
1Nung Israel thaiutha ngiongem noin. Apaüh ngioji, Apaou sauüh maou nouso sapengkü, goumchi nou sai, küta khaiunia hau aa nou kium, apaüh ngioji, 2“Ngü Yirusalem theng thengkam tsak khekkü shane, apa lemkü noitsün mele nousoüh nung shiu küta thengtuk khaiunia haili ngaongaokü tsakei-e. Naiuso tilai ngüsoüh Yirusalem lemlouwane, nungko Yihuda hai noknio apoi nouso lüko lemlouwane. 3Lüko tilai nung atao shi-e, ngü Yirusalem nung lung alethsang tsak khekkü shane, mele sauüh nung lung lokkanau kowe-e nungüh ngüso tawai-e. Goumchi mele oukong nouso chikü nung komhe-au kamsane. 4Nungtaoko ngü ngüso mokthsoso apem lekkati küta nungso chiai moknoitsün khaiu- niahoi mainga iula-i-e. Ngü Yihuda khaiunia nouso chiai jiokü thape, lüko ngüso tü khengshitsün ehoi ün mokthsoso apem niopek iula-i-e. 5Nungaih Yihuda kau nousoüh ngüso ongko ngio-e, ‘Apa khaiuniaso sauhai Yirusalem nai kihkü noin nungso hau Apaou Goa Akongting nou oukong kiuji.’
6“Nungh taoko ngü Yihuda kau nouso liutsa tsüdekünai chih nyankü noitsün eiu nouso jekthiowantsün in nyai tsak khekkü shane, ngüsoüh chenpa mele nouso apem lothean-e. Lüko Yirusalem khaiuniahoi to noknio nai aaloukü noi-e.
7“Ngü Apaou nou chongting nai Yihuda süpaihoi hau ashiolou nou kiu-e, nungtiphe David thsaosithsoso naiuso Yirusalem haiüh eptsün nianlom nung Yihuda hai apoi nouso chiai songkü tsüde-e. 8Nungh taoko Apaou nou Yirusalem nai sauhai kihkü noin, nungso solou-e, naiuso ngüso ongko tsaosilaoting nou David ko wekü oukongkü iula-e. David thsaosithsosoüh Apaou ün hong, naiuso Apaou pemühli ngüso niakei-e. 9Nungtaoko Yirusalem komau kowetsün mele pungkü ngü lomowane.
10“Ngü David thsaosithsoso naiuso Yirusalem hai amao nouso atsüojinyang naiuso misaotsün onthso nou miankiu-e. Ngüsoüh chiat taiutsün tsak nou tü ngüsoüh thape, naiuso khaiunia tsak meshen thsosa mowan nai mongsaiutsün khekkü apa thaiutha ngüso mongsaiu-e. Melothso yamchong mowan nai mongsaiutsün khekkü ngüso thsüokü mongsaiu-e. 11Nungtaoko Yirusalem nai mongsaiutsün nung Megido hai tsamei ai Hadadrimon thaiutha mongsaiutsün tü songkü noi-e. 12-14Tsammonghoi pungkü amomo ta mongsaiu-e: David thsaosithsoso tsammongso, Nathan thsaosithsoso tsammongso, Levi thsaosithsoso tsammongso, Shimei thsaosithsoso tsammongso, naiuso amao tsammong chikü, pungkü nou momo ta mongsaiu-e. Naiuso tsammong nouko pohai pungkü nyiuhai ainou mothikü noikü mongsaiu-e.
Currently Selected:
ZEKARIA 12: KHIABSI
Highlight
Share
Copy
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.
