NEHEMIA 10
10
1Nung athalou-e nai chongting ii satlutau nou Hakalia thso Nehemia nokshingpaou nou noiküla, nungthan ko Zedekiaüh sat. Loüh nungsoüh satthioha:
2-8Meson hoi:
Seraia, Azaria, Yerimia,
Pashur, Amaria, Malkija,
Hattus, Shebania, Malluk,
Harim, Meremot, Obadia,
Daniel, Ginnethon, Baruk,
Meshullam, Abija, Mijamin,
Maazia, Bilgai, naiuso Shemaia so noiküla.
9-13Levi hoi:
Azania thso Yeshua,
Henadad kau ainou Binnui,
Hadmiel, Shebania, Hodia,
Kelita, Pelaia, Hanan,
Mika, Rihob, Hashabia,
Zakkur, Sherebia, Shebania,
Hodia, Bani, naiuso Beninu; so noiküla.
14-27Khaiunia hoi ongai ahei nouso:
Paros, Pahat-Moab,
Elam, Zattur, Bani,
Bunni, Azgad, Bebai,
Adonija, Bigvai, Adin,
Ater, Hezekia, Azzur,
Hodia, Hashum, Bezai,
Harif, Anothot, Nebai,
Magpias, Meshullam, Hezir,
Meshezabel, Zadok, Jaddua,
Pelatia, Hanan, Anaia,
Hoshea, Hanania, Husshub,
Hallohes, Pilha, Shobek,
Rehum, Hashabna, Maaseia,
Ahia, Hanan, Anan,
Malluk, Harim, naiuso Baana so noiküla.
Ngiomongshingetsün
28Sam, Israel khaiunia hoi, meson hoi, Levi hoi, amkham tsam ehü hoi, amkham tsam jihang hoi, amkham tsam nai chhitsünso, naiuso amao hai chikü Goa Ngiokhem nou angkü, sam goumchiko kihtsün khaiunia hoi ainou ngüso chija janthatlo-iu, samko, sam tsammongnyiuso, naiuso sam thsoso angela au shiotsün apem hakü, 29Goa nou apa tsamki Mosa hau kiutsün Ngiokhem angkü kih-e ta, naiuso nung lothean naito sam athesan nai noi-e ta, sam ahei hoiko ngiomongshinge nai haji. Sam Apaou üh samtü thoiluttsün ang-e naiuso apa ngiokhemso samüh pohtsün chikü kankei-e.
30Sam goumchi ko kihtsün gohmao khaiunia nousoko sam tsamsigoh tsüyange.
31Gohmao khaiuniahaiüh sam dongai chinyatnyi nouko tsüdekünai amao asio ajekhaiu tsak ko chonglam tsüdekünai amao tso tsak ajan au kankü shinai, samüh ngüso ainou tsütuh-e.
Pon chinyat pungkü samüh eiu nou tsü-a-e, naiuso chailaiu nouso chikü wankiu-e.
32Pon pungkü sam khaiunia pungkü nou Amkham Tsam thaiutha awanau nouko hachuau tangkason gram pungo kiuau thalou.
33Samüh Amkham Tsam nai amkham nai kankeiau nungso kiuau thalou: asio themtsai, eheshiu chaithio, ajekhaiu pungkü ajahtsün thainian chaithio, chinyatnyi nouso thaiutha asio chaithio, Alei Yan Sümai naiuso amao sümai, amao asio chaithio, Israel hai angei kankü khuau chaithio nouso naiuso Am- kham Tsam thaiutha pohkü noitsün in diodio.
34Ngiokhem nou pohtsünli sam Apaou Goa hau chaithio kiutsün jah ao pai nou sauhai kauüh kiu-e ta, sam hoi nou, meson hoi nou, naiuso Levi hoi nou, pon pungkü phung de-e.
35Samüh ayating yahetsün chong- lam naiuso ayating shemhetsün pai-eiu nou pon pungkü Amkham Tsam ai chaithio kankü shi-e.
36Ngiokhem nou pohtsünli, sam thsoso melothso yamchong ongko nou Amkham Tsam ai meson nouso dongai niakü-shi-e, naiuso nung Goa khako losiokiu-e. Samüh sam jangtso, ayating pontsün naiuso onnemok, tsüdekünai won nouso tü ayating pontsün lüko losiokü taiu-e.
37Samüh pon pungkü ayating- yahetsün chonglam ainou wonne naiuso theng, olip-khiam, naiuso Pai eiu chikü ainou Amkham Tsamai meson nouso dongai chaithio kankü shi-e.
Samüh sam eiu ai a-santsün ainou ekve shilotsün Levi hai hau sam goumchi ko sungtsün chihsikhiam ainou ekve losankü kiu-e. 38Tilai ekve nouso kamshi-e Aron ainou chetsinyimtsün meson hoi nouso Levi haiko haau noin, naiuso Amkham Tsam nai kankeiau thaiutha Levihaiüh ngüsoüh ekve kamshitsün ainou ekve losanshiküta amkham tsam jengtsaiu taiutsün tsampai nai kankü khuau noin. 39Amkham Tsam nai kankeitsün chiusilak taiutsün, naiuso chhi taoko meson hoi Amkham Tsam ehü hoi, naiuso amkham tsam jihang hoi kihtsün jengtsaiu taiutsün tsampai nai Israel hai naiuso Levi haiüh chonglam, theng, naiuso olip khiam shisantsün kankü khuau noin.
Samüh sam Goa Tsam tsüpaotsangkü tsüwanane.
Currently Selected:
NEHEMIA 10: KHIABSI
Highlight
Share
Copy
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.
