NEHEMIA 11
11
Yirusalem Nai Kihtsün Khaiunia Nouso
1Ahei nouso Yirusalem nai kih, naiuso apoi nouso tsamkhaiu che che nouko ainou tsamkhaiu tsak tsak asio noknio nai kih-au phong de, lüko amao apoi nouso, noknio naiuso noksong nouso ai kih. 2Yirusalem ai kih-au sauhaiüh meshen chija mongchiosan ngüso chikü tü hoi nouso monglingat. 3Amao noksong naiuso noknio nouso ai Israel hai, meson hoi, Levi hoi, amkham tsam nai chhitsünso, naiuso Solomon yathsüotsün thsaosithsoso ngüso momo tengkhaiu goh, noksong nai kih.
Yirusalem nai kihtsün Yihuda hai khiamkhan nouko ahei paopunghoi- ling nungti:
4Yihuda hai kau nai Mepem nouso:
Zekaria thsao nou Uzzia thso Athaia, apa paosiposo ongko Amaria Shefatia, naiuso Mahalalel, nungso Yihuda thso Perez ün thsaosithso noin.
5Kolhoze thsao nou Baruk thso Maaseia. Apa paosiposo ongko Ha- zaia, Adaia, Joiarib, naiuso Zekaria, nungso Yihuda thso Shela thsaosithso noin.
6Perez thsaosithsoso ongko, avesan khaiunia -468 Yirusalem nai kihküla.
7Benjamin kau nai mepem nouso:
Joed thsao nou Meshullam thso Sallu. Apa paosiposo ongko Pedaia, Kalaia, Maaseia, Ithiel, naiuso Jeshaia.
8Sallu tsammongting Gabbai naiuso Sallai.
Apem kamkü nai Benjamin kauso 928 Yirusalem ai kiha. 9Zikri thso Yoel nung ngüso ahei noiküla, naiuso Hassenua thso Yihuda nung noknio nai ashe nou khemko asonghoiling haove nime nouko noiküla.
10Meson hoi kau nouso:
Joiarib thso Jedaia, naiuso Jakin.
11Meshullam thsao nou Hilkia thso Seraia. Apa paosiposo ongko Zadok, Meriot, naiuso Ahitab apa akhengting meson noiküla. 12Nung kau mepem apem nai - 822 nousoüh Amkham Tsam ai yathsüo.
Pelalia thsao nou Jeroham thso Adaia. Apa paosiposo ongko Amozi, Zekaria, Pashur, naiuso Malkija. 13Nung kau ko tsamkhaiu nai ahei nouso apem nai mepem-242 noiküla.
Ahzai thsao nou Azarel thso Ama- shai paosiposo ongko Meshillemot naiuso Immer hakü noiküla. 14Nung kau nouko mepem -128 nouso sü- paihoi avesan noiküla. Ngüso ongko Zahdiel nung atengting tsamkhaiu tsak ainou mepem noiküla.
15Levi hai:
Azrikam thsao, Harshub thso She- maia, Apa paosiposo ongko Hashabia naiuso Bunni hakü noiküla.
16Levi kau ongko atengting ong ainou Shabbet hai naiuso Jozabad, ngüne Amkham Tsam lemkü thaisantsün chhi nai noiküla.
17Asaf thsaosithsoso ongko tsak, Zabdi thsao nou Mika thso Mattania noiküla. Apaüh amkham tsam nai jihang hoi nou nianlomkiu naiuso jih hangnai niakei.
Bakbukia nung Mattania tü hachutsün noiküla.
Jeduthun thsaosithsoso ongko tsak, Golal thsao nou Ahammua thso Abda noiküla.
18Asio noknio Yirusalem nai kihtsün Levi hai apem nai-284 noiküla.
19Amkham Tsam Ehü hoi:
Akkub, Talmon, naiuso ngüne deisinioso apem kamkü nai - mepem 172.
20Israel hai amao nouso, meson hoi si Levi hai apoi nouso Yihuda hai noknio naiuso noksong nousoko ngüso tengkhaiu goh nai kih. 21Amkham tsam nai chhitsünso to Yirusalem nokpao Ofel ta jontsün ko kihküta Siha si Gishpa ne apaotsang khemko chhikü noiküla.
22Yirusalem nai kihkü Levi hai tü chhisiya nai paotsangtsün nung Hashabia thsao nou Bani thso Uzzi noiküla. Apa paosiposo ongko Mattania naiuso Mika, hakü noiküla naiuso amkham taoko nai jihang haoson loutsün Asaf kau ong ainou tsak noiküla. 23Nungai ajekhaiu pungkü amkham tsam nai kau nousoüh li-e li-ekü jihang taiao nokpao ngiokhem noiküla.
24Yihuda mele Zera kau ainou Meshezabel thso Pethalia, apaüh Persia hai mikhem puo nouko Israel khaiunia sali tsakiu.
Amao Noksong si Noknio Nouso
25Khaiunia piakü ngüso eiu shimkü noksong nouso si kihkü noiküla, Yihuda hai mele ainouso Kiriat-Arba, Dibon, Jekabzeel, naiu- so nungso noknio shimkü nouso ai kihkü noiküla. 26Ngüso loüh Jeshua, Molada Betpelet. 27Hazarshual, Beersheba naiuso nung lemkü noitsün nok nouso ko kih. 28Ngüso Ziklag noknio naiuso Mekona nok nouso ko kih, 29Emrimmon ai, Zora ai, Jarmut ai, 30Zanoa ai Adullam ai, naiuso nungso noksong nouso shimkü nok nouso ai kih. Ngüso Lakis ai, naiuso nung shimkü noitsün eiu nouso ko, naiuso Azeka ai. Naiuso nung noktso nouso ko kih. Nung athat nou Yihuda hai ajepekki nai Beersheba naiuso ajenapki nai Hinnom Tsamei jetko kih.
31Benjamin mele nouso Geba ai, Mikmas ai, Ai ai, Bethel ai shimkü noitsün nok nouso ai, 32Anathot ai Nob ai, Anania ai, 33Hazor ai, Rama ai, Gittaim ai. 34Hudid ai, Zeboim ai, Neballat ai. 35Lod ai Ono ai, naiuso Waiyang nai kihtsün Tsamei nouso ko kih. 36Yihuda goumchi nai kihkü noitsünso Levi hai ajantso Benjamin haiko kiha au haoson sonlutkiu.
Currently Selected:
NEHEMIA 11: KHIABSI
Highlight
Share
Copy
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.
