Romen 9
9
Bondye ek Son Pep
1Ini avek Kris, mon pe dir laverite; mon pa pe koz manti. Mon konsyans, gide par Lespri Sen i rann temwannyaz avek mwan. 2Wi, mon dan en gran tristes e mon annan en douler kontinyel dan mon leker. 3Mon ti ava swete ki mon ganny modi par Bondye e separe avek Kris, pour dibyen mon bann frer, mon prop ras. 4Zot fer parti pep Izrael: Bondye in fer zot vin son bann zanfan. In akord zot prezans son mazeste, bann lalyans, Lalwa, vre ladorasyon, bann promes#9.4 War Egz 4.22; Det 7.6; Oz 11.1.. 5Zot desandan bann patriars#9.5 War Akt 2.29., e Kris, koman en imen, i fer parti zot pep; i par lao tou. Bondye ava ganny loue pour touzour. Amenn.
6Mon pa pe dir ki promes Bondye pa'n reisi. Annefe, pa tou desandan pep Izrael ki vre pep Izrael#9.6 War Zen 32.29., 7akoz pa tou desandan Abrahanm ki son zanfan. Annefe, Bondye ti dir Abrahanm, “Par Izaak ki ou pou ganny en desandan#9.7 Zen 21.12..”
8Sa i vedir: Pa tou bann zanfan natirel Abrahanm ki zanfan Bondye, me zis bann zanfan ki dapre promes Bondye, ki ganny konsidere koman vre desandan Abrahanm. 9Annefe, la koman Bondye in eksprim son promes:
Ver sa menm lepok,
mon pou retournen
e Sara ava ganny en garson#9.9 Zen 18.10. .
10Sa pa tou. I annan osi Rebeka ki ti ganny de zanfan pour en sel zonm: Izaak, nou zanset. 11Avan menm ki sa de zanfan ti ne e fer okenn keksoz bon oubyen move, Bondye dan son plan, pa ti swazir dapre aksyon, me dapre sa ki i ti oule swazir. 12Bondye ti dir avek Rebeka#9.12 Zen 25.23., 13“Lene pou servi sa enn ki pli zenn. Parey Lekritir i deklare:
Mon'n kontan Zakob,
e mon'n ay Ezai#9.13 Mal 1.2-3..”
14Alor eski nou pou dir ki Bondye i enzis? Pa ditou! 15Annefe, i ti dir avek Moiz:
Mon pou pran pitye
pour ki mon oule pran pitye.
Mon pou annan konpasyon pour sa enn
ki mon oule annan konpasyon#9.15 Egz 33.19. .
16Alor, sa pa depann lo sa ki zonm i oule, ni lo son zefor, me zis lo Bondye ki pran pitye.
17Dan Lekritir, Bondye i dir avek Faraon:
Mon'n etabli ou koman lerwa
pour montre par ou, mon pwisans,
pour fer mon non ganny konnen partou lo later#9.17 Egz 9.16..
18Ensi, Bondye i pran pitye pour ki i oule, e i rann antete sa enn ki i oule.
Lakoler ek Konpasyon Bondye
19Petet i annan ki ava dir mwan: Si i konmsa, pour ki rezon Bondye i fer nou ankor bann repros? Annefe, lekel ki kapab reziste son lavolonte? 20Me ki ou ete ou, zonm, pour ou kontredir Bondye? Eski en po later i kapab demann avek son fabrikan: Akoz ou'n fer mwan konmsa? 21Eski en potye napa drwa fer sa ki i oule avek son later, e avek menm lapat fabrik en vaz presye e en vaz ordiner?
22Alor, Bondye in oule montre son lakoler e fer konnen son pwisans. Pourtan, in siport avek en gran pasyans bann ki merit son lakoler e ki ti pare pour destriksyon. 23Me i'n osi oule montre larises son mazeste pour bann anver ki i'n annan pitye, bann ki i'n prepare davans pour partisip dan son laglwar. 24Sa i konsern nou osi ki i'n swazir, pa zis parmi bann Zwif, me osi parmi lezot nasyon.
25La sa ki profet Oze i deklare:
Bann ki pa ti mon pep,
mon pou apel zot: Mon pep.
Nasyon ki mon pa ti kontan,
mon pou apel zot: Mon Byenneme#9.25 Oz 2.25..
26La kot dimoun ti dir:
Zot pa mon pep,
zot pou ganny apele:
Bann zanfan Bondye vivan#9.26 Oz 2.1..
27Ezai ti predir o size pep Izrael:
Menm si pep Izrael i vin nonbre
koman gren disab lo bor lanmer,
zis en pti restan ki pou ganny sove.
28Annefe, parol ki Senyer in dir, pou ganny akonpli konpletman e san tarde lo later#9.28 War Eza 10.22-23..
29Parey Ezai ti'n dir oparavan:
Si Senyer Toupwisan pa ti'n donn nou en desandans,
nou ti pou vin parey Sodonm,
nou ti pou resanble Gomor#9.29 Eza 1.9. War Zen 19.23-28..
Pol I Priy pour Izrael
30Alor, ki nou pou dir? La sa ki nou pou dir: Bann non-Zwif ki pa ti pe rod vin zis devan Bondye, zot in vin zis devan li, me par lafwa. 31Me pep Izrael ki ti pe rod vin zis devan Bondye gras a Lalwa, pa'n reisi akonpli sa Lalwa.
32Akoz sa? Akoz zot pa ti rode pour fer plezir Bondye par lafwa. Zot ti krwar sa ti posib gras a zot bann aksyon. Zot in tonbe akoz zot in ganny konnyen avek sa ros ki fer tonbe. 33Annefe, Lekritir i dir:
La mon plas dan Siyon,
en ros ki fer dimoun tonbe.
En ros ki fer zot tonbe.
Sa enn ki krwar dan li
pa pou dezapwente#9.33 Eza 28.16..
Currently Selected:
Romen 9: BSK
Highlight
Share
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
