Psonm 92
92
En Kantik Louanz pour Zour Saba
1I bon pour remersye SENYER,
e sant pour ou non, Bondye Treo!
2Pour anons ou lanmour bomaten
e ou fidelite aswar
3avek lenstriman lanmizik dis lakord,
laarp ek lanmizik sitar.
4SENYER!
Ou bann mervey i donn mwan lazwa.
Mon sant dan lazwa pour travay
ki ou'n fer avek ou lanmen.
5Ou'n fer en kantite gran mervey.
Ou bann travay i vreman gran, SENYER!
Ou bann panse i tre profon.
6Dimoun bet pa konn nanryen.
Sa enn ki fou pa konpran nanryen.
7Menm si bann malfeter i pous parey move zerb
e bann ki fer sa ki mal i prospere,
zot pou ganny detri pour touzour.
8Me ou lao!
Ou SENYER pour touzour.
9SENYER! Ou bann lennmi,
wi, ou bann lennmi pou ganny detri.
Tou bann malfeter pou ganny disperse.
10Ou'n fer mwan for parey en toro sovaz;
ou'n vers delwil parfimen lo mwan.
11Mon'n war mon bann lennmi tonbe;
mon'n antann bann ki atak mwan kriye.
12Sa enn ki obei Bondye
i grandi parey en pye palm;
i pouse parey en pye sed dan Liban.
13I parey en pye dibwa
ki'n ganny plante dan tanp SENYER.
I fleri dan lakour tanp nou Bondye.
14I kontinyen donn bann fri menm dan lavyeyes.
I reste ver e ranpli avek lasev,
15e proklanmen ki SENYER i drwat.
Li menm mon ros protekter
e dan li napa okenn lenzistis.
Currently Selected:
Psonm 92: BSK
Highlight
Share
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
