Psonm 93
93
Bondye I Lerwa
1SENYER i lerwa,
in anvlope dan mazeste;
i antoure avek lafors.
2Ou tronn i'n ganny etabli depi dan lantikite;
ou egziste depi touzour.
3SENYER! Lanmer in monte;
fon lanmer in lev son lavwa;
fon lanmer i fer fraka.
4Dan lesyel lao,
SENYER i pli pwisan ki tapaz bann losean.
I pli pwisan ki bann laroul dan lanmer.
5Ou bann komannman i vreman sir.
SENYER!
Ou tanp i reste sen pour touzour.
Currently Selected:
Psonm 93: BSK
Highlight
Share
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
