Zenez 36

Desandans Ezai

1La bann desandans Ezai, setadir Edonm. 2Ezai ti marye avek bann fanm Kananeen: Ada, fiy Elonn, en Hitit, Oholibama, fiy Ana, pti zanfan Sibeonn, en Hivit. 3I ti annan osi en lot fanm, Basmat, fiy Ismael, ser Nebayot. 4Ada ti ganny Elifaz; Basmat ti ganny Reouel; 5Oholibama ti ganny Yeous, Yalanm, ek Kora. Sa ti bann garson Ezai ki ti ne dan pei Kanaan.

6Ezai ti pran son bann fanm, son bann garson, son bann fiy, tou manm son fanmir, son troupo bef, tou son bann troupo zannimo, ek tou bann byen ki i ti'n gannyen dan Kanaan. Apre, i ti al dan en pei lwen avek son frer, Zakob. 7Annefe, zot ti annan tro bokou byen pour zot reste ansanm. Sa rezyon kot zot ti pe reste, pa ti kapab nouri zot troupo. 8Alor, Ezai ti al reste dan montanny Seir. Ezai, se li menm Edonm.

9La bann desandan Ezai, papa bann Edomit ki reste dan bann montanny Seir. 10La non bann garson Ezai: Elifaz, garson son fanm Ada; Reouel, garson son fanm Basmat. 11Bann garson Elifaz: Temann, Omar, Sefo, Gatanm, ek Kenaz. 12Timna, menazer Elifaz, garson Ezai ti ganny Amalek pour Elifaz. Sa ti non bann garson Ada, fanm Ezai.

13La bann garson Reouel: Nahat, Zera, Sama, e Miza. Zot ti bann pti zanfan Basmat, fanm Ezai.

14La bann garson Oholibama, fiy Ana, pti zanfan Sibeonn, fanm Ezai: Yeous, Yalanm, ek Kora.

15La bann sef parmi bann garson Ezai: Bann garson Elifaz, lene garson Ezai: Temann, Omar, Sefo, Kenaz, 16Kora, sef Gaetanm, ek sef Amalek. Sa bann sef dan fanmir Elifaz dan pei Edonm; zot bann garson Ada.

17La bann garson Reouel, garson Ezai: Sef Nahat, sef Zera, sef Sama ek sef Miza. Sa i bann sef dan fanmir Reouel dan pei Edonm; zot bann pti zanfan Basmat, fanm Ezai.

18La bann garson Oholibama, fanm Ezai: Yeous, Yalanm ek Kora. Zot bann sef dan fanmir Oholibama fiy Ana, fanm Ezai. 19Sa i bann garson Ezai setadir Edonm. Zot ti bann sef.

Desandans Seir

20La bann garson Seir, en Horit, bann zabitan sa landrwa: Lotann, Sobal, Sibeonn, Ana, 21Dison, Etser ek Disann, zot bann sef Horit, bann garson Seir, dan Edonm.

22Bann garson Lotann: Hori ek Emanm. Timna ti ser Lotann.

23Bann garson Sobal: Alvann, Manahat, Ebal, Sefo, ek Onanm. 24La bann garson Sibeonn: Aya ek Ana. Ana ki ti trouv sa sours delo dan dezer, letan i ti pe vey bourik son papa, Sibeonn. 25Bann zanfan Ana: Disonn, e Oholibama. 26Bann garson Disann: Henmdann, Esbann, Yitrann ek Kerann.

27Bann garson Etser: Bilann, Zaavann, ek Akan.

28Bann garson Disann: Outs ek Arann.

29Bann sef Horit: Lotann, Sobal, Sibeonn, Ana, 30Disonn, Etser ek Disann. Sa i bann sef dapre zot klan dan Seir.

31La bann lerwa ki ti renny dan pei Edonm, avan ki okenn lerwa ti renny lo bann Izraelit: 32Bela, garson Beor, ti renny dan pei Edonm; son lavil ti apel Dinaba. 33Bela ti mor, e Yobab, garson Zera, ki sorti Bosra, ti vin lerwa dan son plas. 34Yobab ti mor, e Housanm, ki sorti dan pei Temanit ti vin lerwa dan son plas. 35Housanm ti mor, e Hadad, garson Bedad, ki ti bat Madyann dan pei Moab, ti vin lerwa dan son plas; son lavil ti apel Avit. 36Hadad ti mor, e Samla, ki sorti Masreka, ti vin lerwa dan son plas 37Sanmla ti mor, e Saoul, ki sorti Reobot lo Larivyer Efrat, ti vin lerwa dan son plas. 38Sail ti mor, e Baal-Hanann garson Akbor ti vin lerwa dan son plas. 39Baal-Hanann, garson Akbor ti mor, e Hadar ti vin lerwa dan son plas; son lavil ti apel Paou, son fanm Metabeel, fiy Matred, fiy Me-Zahab.

40La non bann sef dan desandans Ezai, dapre zot fanmir ek zot pei: Timna, Alva, Yetet, 41Oholibama, Ela, Pinonn, 42Kenaz, Temann, Mibsar, 43Magdiel, e Iranm; sa i bann sef Edonm dapre landrwa dan pei kot zot annan propriyete. Ezai ti zanset bann Edomit.

Currently Selected:

Zenez 36: BSK

Highlight

Copy