2 Tesalonisyen Lentrodiksyon
Lentrodiksyon
Dan dezyenm let pour bann Tesalonisyen, Pol i repran en pwen ki i ti'n deza koz lo la dan son premye let: Retour Kris dan laglwar. Sa size ti kontinyen trouble bann kretyen Tesalonisyen. Annefe, serten ti pretann ki sa zour in deza arive (2.2); serten ti refize travay pour rezon ki letan lafen i pros. Alor, zot ti viv lo depan bann ki ti aktif (3.6-12). Sa let alor, ti esey koriz bann lide fo ki ti pe trouble Legliz Tesalonik.
Pol i konmans par remersye Bondye pour lafwa ek lanmour ki bann kretyen Tesalonik i demontre. Anmenmtan i demann Senyer pour donn zot perseverans dan servis ki zot in ganny apele pour akonpli (1.1-12). Deswit apre, i antre dan tenm santral son let, setadir, lansennyman lo retour Kris dan laglwar: Sa pa pou arive avan laparisyon en personnaz misterye, ki pou konplet revolt kont Bondye ek lopozisyon kont Kris (2.1-12).
Devan en tel soulevman pwisans lemal, i neseser ki tou bann krwayan i reste ferm e fidel anver Bonn Nouvel e ki zot persevere dan lapriyer (2.13–3.5). Answit, avek bokou lafors, Pol i reprimann bann parese e i prezant zot avek en bon latitid, setadir bann ki travay pour ki zot pa depann lo personn (3.6-15). I fer en konklizyon bref avek benediksyon ek salitasyon (3.16-18).
Sa parol enportan: Sa ki pa oule travay pa devre manze (3.10), i en lavertisman pour bann lekter kont tou konsepsyon ki fer konfizyon ant viv lafwa e sov responsabilite ki Bondye i konfye son pep dan lavi tou le zour.
Currently Selected:
2 Tesalonisyen Lentrodiksyon: BSK
Highlight
Share
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.