2 Tesalonisyen 1
1
1Sa let i sorti kot Pol, Silas ek Timote, pour Legliz Tesalonik#1.1 War 1 Tes 1.1., dan Bondye, nou Papa, e dan Senyer Zezi-Kri. 2Bondye, nou Papa ek nou Senyer Zezi-Kri ava donn zot lagras ek lape.
Zizman kan Kris pou Retournen
3Mon bann frer ek ser! Nou devre touzour remersye Bondye pour zot. Sa i byen, akoz zot lafwa in bokou progrese e lanmour ki zot posede pour kanmarad pe touzour ogmante. 4Pour sa rezon, dan bann Legliz, nou fyer akoz zot, pour zot perseverans ek zot lafwa, malgre bann persekisyon ek bann soufrans ki zot pas ladan. 5Sa i prouve ki zizman Bondye i zis. I oule fer zot vin diny pour son Rwayonm pour lekel zot pe soufer. 6Annefe, Bondye i zis. I pou fer soufer bann ki'n fer zot soufer. 7Zot ki ti pe soufer, e nou osi, i pou donn nou repo. Sa pou arive, kan Senyer Zezi pou aparet dan lesyel avek son bann lanz pwisan. 8I pou vin dan en laflanm dife, pour pini bann ki refiz konn Bondye ek bann ki pa obei Bonn Nouvel nou Senyer Zezi. 9Zot pou sibir destriksyon eternel koman pinisyon, lwen avek prezans Senyer e avek laglwar son pwisans.
10Sa zour, i pou vini pour li ganny onore e admire par tou bann ki pour li e ki krwar dan li. Zot osi, zot ava la, akoz zot in krwar dan mesaz ki nou'n anons zot.
11Pour sa rezon ki nou priy toultan pour zot. Nou demann Bondye pour rann zot diny pour sa lavi ki i ofer zot. Nou demande ki par son pwisans, i realiz tou zot dezir pour fer sa ki byen e rann zot lafwa aktif. 12Alor, non nou Senyer Zezi ava ganny glorifye par zot, e Senyer ava onor zot. Tousala i en don ki sorti kot nou Bondye, ek Senyer Zezi-Kri.
Currently Selected:
2 Tesalonisyen 1: BSK
Highlight
Share
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.