1 Tesalonisyen Lentrodiksyon
Lentrodiksyon
Tesalonik ti kapital provens Romen, Masedwann, dan Norde Lagres. Se pandan son dezyenm vwayaz misyonner, ki Pol ti ariv dan sa lavil, apre ki i ti'n kit Filipi. I ti etabli en kominote, me i pa ti reste lontan, akoz lopozisyon en group Zwif. I ti oblize kit Tesalonik, e al Bere (Akt 17.1-10). Plitar, i ti ariv Korent, kot son koleg Timote ti vin zwenn li e donn li en rapor lo sityasyon Tesalonik. Alor, Pol ti ekri son premye let pour bann Tesalonisyen, san dout depi Korent. Bann spesyalis i admet zeneralman ki sa let i pli ansyen dan Nouvo Testaman e zot dat li anviron lannen 50 apre Zezi-Kri.
Nouvel ki Pol ti gannyen sorti Tesalonik, ti fer li kontan. I ti remersye Bondye pour legzanp ki bann Tesalonisyen i donn lezot kominote dan sa rezyon. I ti fer zot rapel travay ki li menm ti'n akonpli parmi zot. I ti osi dir zot ziska ki pwen i anvi war zot (1.1–3.13). Sepandan, i ti ankouraz zot non selman pour persevere, me ankor pour progrese dan lavi kretyen (4.1-12). I ti osi reponn kestyon ki zot ti pe demande konsernan rezireksyon bann mor e retour glorye Kris (4.13—5.11). I ti termin son let par bann rekomandasyon ek salitasyon (5.12-28).
Sa let ava ekler tou dimoun ki enkyet konsernan letan lafen. Annefe, i rapel bann krwayan sa ki enportan, se zot temwannyaz, aprezan ki zot apartenir dan lemonn lalimyer. Pour sa ki konsern lavenir, zot devre gard en lesperans ferm ki sa moman pou vini, (dat pa enportan) kan zot ava, “pour touzour avek Senyer” (4.17).
Currently Selected:
1 Tesalonisyen Lentrodiksyon: BSK
Highlight
Share
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.