1 Tesalonisyen 1
1
1Sa let i sorti kot Pol, Silven#1.1 War Akt 15.22. ek Timote#1.1 War Akt 16.1. pour Legliz Tesalonik#1.1 Pour premye sezour Pol Tesalonik, war Akt 17.1-9; 1 Tes 2.1-2. ki pour Bondye nou Papa ek Senyer Zezi-Kri: Lagras ek lape ava avek zot.
Lavi ek Lafwa bann Tesalonisyen
2Nou touzour remersye Bondye lo zot size e nou touzour mansyonn zot dan nou lapriyer. 3Annefe, devan Bondye nou Papa, nou rapel zot lafwa ki efikas, zot lanmour ki aktif, e zot lesperans ki solid dan nou Senyer Zezi-Kri.
4Nou bann frer ek ser! Nou konnen ki Bondye i kontan zot, e ki i'n swazir zot pour li. 5Nou pa'n anons zot Bonn Nouvel zis an parol, me osi avek pwisans, ek sekour Lespri Sen e avek konviksyon. Annefe, zot i'n war koman nou'n konport nou parmi zot, pour zot dibyen.
6Zot in swiv nou legzanp ek legzanp nou Senyer; menm si zot in bokou soufer, zot in resevwar Parol Bondye avek lazwa dan Lespri Sen#1.6 War Akt 17.5-9.. 7Alor, zot in vin en legzanp pour tou bann krwayan dan Masedwann ek Lagres. 8Annefe, parol Senyer in sorti kot zot e ganny proklanmen non selman dan Masedwann ek Lagres, me nouvel zot lafwa dan Bondye in osi repann partou. Nou pa bezwen koz plis lo la. 9Dimoun i rakonte ki mannyer zot in akey nou e koman zot in abandonn bann zidol pour servi Bondye ki vivan e vre. 10Zot pe espere ki son garson i retournen sorti dan lesyel. Li menm ki Bondye i'n resisite. In delivre nou kont lakoler Bondye ki pe vini.
Currently Selected:
1 Tesalonisyen 1: BSK
Highlight
Share
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
