Kolosyen 4

1Bann met! Tret zot serviter dan en fason drwat e zis. Rapel zot ki zot osi, zot annan en Met dan lesyel.

Rekomandasyon

2Persevere dan lapriyer; reste vizilan dan lapriyer ki zot adres Bondye avek rekonesans 3Anmenmtan, priy osi pour nou, pour ki Bondye i ouver en laport favorab pour nou proklanm son mesaz e anons sekre Kris. Annefe, pour sa rezon ki mon dan prizon ozordi. 4Priye pour ki nou ava kapab proklanm sa sekre klerman koman mon fodre.

5Fer tou keksoz avek lasazes dan zot konportman avek bann non-krwayan, e servi byen tou lokazyon ki prezant devan zot. 6Veye ki zot parol i touzour agreab e enteresan, pour zot kapab donn bann repons valab tou dimoun.

Konpliman Final

7Tisik#4.7 War Akt 20.4; Ef 6.21-22., nou frer byenneme, ki en kolaborater fidel e en serviter dan travay Senyer ava donn zot tou nouvel lo mwan. 8Pour sa rezon ki mon pe anvoy li kot zot, pour zot ganny nou nouvel, e pour li ankouraz zot.

9Onezim#4.9 War Flm 10-15., sa frer byenneme e fidel ki sorti kot zot, pe vin avek li. Sa de frer ava rakont zot tou sa ki pe arive isi.

10Aristark#4.10 War Akt 19.29; 27.2., ki dan prizon avek mwan, i anvoy zot son konpliman, ensi ki Mark#4.10 War Akt 12.12,25; 15.37-39., kouzen Barnabas#4.10 War Akt 9.27; 11.22,30.. Zot in deza ganny rekomandasyon pour byen resevwar Mark si i pas kot zot. 11Konpliman i osi sorti kot Zezi, ki osi apel Zistis. Zis sa trwa parmi bann Zwif konverti ki travay avek mwan pour Rwayonm Bondye; zot in en gran rekonfor pour mwan.

12Epafras#4.12 War 1.7. osi ki sorti kot zot i fer zot salanm. Sa serviter Zezi-Kri pa zanmen aret lite pour zot dan lapriyer, pour ki zot reste solid, koman bann dimoun matir, dan lobeisans lavolonte Bondye dan tou. 13Annefe, mon kapab dir personnelman ki i'n travay dir pour zot e pour bann ki reste Laodise ek Hierapolis. 14Lik#4.14 War 2 Tim 4.11; Flm. 24., nou zanmi dokter ek Demas#4.14 War 2 Tim 4.10; Flm 24. osi i fer zot salanm.

15Fer salanm bann frer Laodise, ensi ki Nenfa ek Legliz ki rasanble dan son lakaz. 16Apre ki zot in lir sa let, fer sir ki zot lir li, osi dan Legliz ki Laodise. Lir osi let ki sorti Laodise. 17Dir Arsip#4.17 War Flm 2., fer sir ki i fer byen sa travay ki i'n ganny konfye dan servis Senyer.

18Mon pe ekri sa let avek mon prop lanmen: Konpliman sorti kot Pol. Rapel zot ki mon ansennen dan prizon. Mon demande ki lagras Bondye ava avek zot tou.

Currently Selected:

Kolosyen 4: BSK

Highlight

Copy