ROM 3

1Chuti chu Juda mi nih a sâwtna a awm chuang em ni? Serh tan pawh eng nge a hlâwkna?

2Kawng tinah hlâwk tak a ni. A hlâwkna ber chu Pathian thute kawltîr an nihna hi a ni. #Sam. 147:19. 3Mi ṭhenkhatte rinawm lo ta sela, engtin nge ni ta ang? Anni rinawm lohna chuan Pathian rinawmna chu a tibo dâwn em ni? 4Tibo suh e; mi zawng zawng dawthei ni vek mah se, Pathian zawng a dik ngei tûr a ni:

“Nangin thu i sawi huna thiam i chana,

Rorêlsaka i awm huna i hneh theih nân,”

tih ziak ang khân. #Sam. 51:4 (LXX).

5Kan dik lohna chuan Pathian dikzia a tihlan chian lehzual si chuan, engtin nge kan ngaih ang? Mihring takin sawi ila - Pathianin thinurna a rawn lantîr hian a tidik lo kan ti dâwn em ni?

6Ti teh suh e, chuti ni se Pathian chuan engtin nge khawvêl ro a rêl theih ang? 7A nih loh leh, dawthei ka nihna hian Pathian a ropui nâna Pathian dikzia a tihlan chian lehzual si chuan, engati nge mi suala mi la chhiar cheu vang? 8Mi ṭhenkhatin, “ ‘Thil ṭha a lo chhuah theih nân thil sual i ti ang u,’ a ti e,” ti-a min sawichhiat ang khân, thil sual kan ti mai dâwn em ni? Chûng mite chu thiam loh chang awm rêng an ni. #Rom. 6:1,2.

Tu mah fel awm lo

9A nih leh keini Juda-te hi kan ṭha bîk em ni? Ṭha bîk teh suh e. Juda-te leh Grik-te chu sual bawiha awm vek kan ni tih kan sawi fiah tawh kha:

10‘Tu mah mi fel rêng an awm lo,

Pakhat mah an awm lo; #Sam. 14:1-3 (LXX); 53:1-3 (LXX).

11Tu mah hrethiam rêng an awm lo,

Pathian zawng rêng an awm hek lo.

12An pêng bo ta vek a, an khawlo zo ta a;

Tu mah thil ṭha ti rêng an awm lo, pakhat mah an awm lo.

13An hrawk chu thlân inhawng a ni a, an leiin bumna thu an sawi a, an hmui aṭangin rûl tûr a chhuak a, #Sam. 5:9 (LXX); 140:3.

14An kâ chu ânchhia leh thu khain a khat a. #Sam. 10:7 (LXX).

15Thisen chhuah tûrin an pên chak a, #Isa. 59:7,8.

16An kalna apiangah chhiatna leh lungngaihna an thlen a.

17Thlamuanna kawng an hre hauh lo va,

18Pathian ṭih nachâng rêng an hre hek lo,’

tia ziak ang khân. #Sam. 36:1.

19Dân thute chu Dân hnuaia awmte chunga hman tûr a ni tih kan hria, tu man eng mah an sawi theih lohna tûr leh khawvêl hi Pathian rorêla a awmna tûrin. 20Dân zawm ṭhat avângin tu mah Pathian hmaah thiam chang pha an awm lo; Dân avângin miin thil sual an tih an inhre fiah ṭhîn a ni. #Sam. 143:2; Gal. 2:16.

Rin avânga thiam channa

21Tûnah zawng Dân hman ngai lova mi thiam a chantîr dân Pathian chuan a rawn tilang ta: Dân leh zâwlneite thu pawhin chu chu a sawi kha a ni. 22Isua Krista an rin avângin tu pawh a ring apiangte chu Pathianin thiam a chantîr a ni, danglamna rêng a awm lo, #Gal. 2:16. 23mi zawng zawngin thil sual an ti vek a, Pathian ropuina chu an chang thei ta lo va ni. 24Nimahsela, Isua Krista tlanna zârah Pathian chuan a khawngaihna avâng chauhvin chûng mite chu a thlâwnin thiam a chantîr ta, #Efe. 2:8; Tit. 3:7. 25Pathianin ani chu a thisen rin avânga sual thupha chawina ni tûrin a ruat a, mi thiam a chantîr dân tilang tûra ti a ni.#Lev. 16:12-15; Efe. 1:7. 26A dawhtheihna avângin tûn hma lam sualte chu Pathianin a haider a; amah chu a dik a, Isua#3:26 Mss ṭhenkhatah hei hi a tel ve lo. ringtute chu thiam a chantîr tih tifiah tûrin tûnlai hunah hian mi thiam a chantîr dân chu a rawn tilang ta a nih hi.

27Chuti chu chhuan tûr rêng kan nei em ni? Nei suh e! Eng vângin maw? Thiltih vângin maw? Ni lo ve, rinna avâng a ni zâwk. 28Dân zawm vâng ni lovin rinna avângin miin thiam an chang kan ti a ni. #Tirh. 13:19; Rom. 5:1; Efe. 2:9; Gal. 2:16.

29Pathian chu Juda-te ta bîk em ni? Jentail-te ta pawh a ni lo vem ni? Ni e, Jentail-te ta pawh a ni asin. 30Pathian chu pakhat a ni a, serh tanho chu an rinna avângin thiam a chantîr ang a, serh tan lohho pawh an rinna avâng bawkin thiam a chantîr ang. #Deut. 6:4; Gal. 3:20.

31Chuti ni se, rinna kan sawi pawimawh avângin Dân chu eng mah lovah kan dah ta tihna em ni? Ni suh e; Dân chu kan ṭan zâwk a ni.

Currently Selected:

ROM 3: MIZCLBSI

Highlight

Copy