Popular Bible Verses from ROM 3

Share

mi zawng zawngin thil sual an ti vek a, Pathian ropuina chu an chang thei ta lo va ni. Nimahsela, Isua Krista tlanna zârah Pathian chuan a khawngaihna avâng chauhvin chûng mite chu a thlâwnin thiam a chantîr ta

Isua Krista an rin avângin tu pawh a ring apiangte chu Pathianin thiam a chantîr a ni, danglamna rêng a awm lo

Pathianin ani chu a thisen rin avânga sual thupha chawina ni tûrin a ruat a, mi thiam a chantîr dân tilang tûra ti a ni. A dawhtheihna avângin tûn hma lam sualte chu Pathianin a haider a; amah chu a dik a, Isua ringtute chu thiam a chantîr tih tifiah tûrin tûnlai hunah hian mi thiam a chantîr dân chu a rawn tilang ta a nih hi.

Dân zawm ṭhat avângin tu mah Pathian hmaah thiam chang pha an awm lo; Dân avângin miin thil sual an tih an inhre fiah ṭhîn a ni.

‘Tu mah mi fel rêng an awm lo, Pakhat mah an awm lo; Tu mah hrethiam rêng an awm lo, Pathian zawng rêng an awm hek lo. An pêng bo ta vek a, an khawlo zo ta a; Tu mah thil ṭha ti rêng an awm lo, pakhat mah an awm lo.

Dân zawm vâng ni lovin rinna avângin miin thiam an chang kan ti a ni.

Tibo suh e; mi zawng zawng dawthei ni vek mah se, Pathian zawng a dik ngei tûr a ni: “Nangin thu i sawi huna thiam i chana, Rorêlsaka i awm huna i hneh theih nân,” tih ziak ang khân.