ROM 11

Israel la awm chhunte

1A nih leh, Pathian chuan a mite#11:1 Mss ṭhenkhatah, ‘roluahtute,’ tih a ni. chu a paih thla kan ti dâwn em ni? Paih thla suh e. Kei ngei pawh Israel mi, Abrahama thlah, Benjamin hnam ka ni si a. #1 Samu. 12:22; Jer. 31:37; Fil. 3:5. 2Pathianin a mi hriat lâwkate chu a paih thla lo ve. Elija chanchin Lehkha Thua chuang kha in hre lo vem ni? Ani chuan Israel mite chungthu Pathian hnênah a thlen a:

3“Lalpa, i zâwlneite an tihlum a,

I maichâmte an tichim a,

Keimah chauh hi ka la awm a,

Kei pawh mi tihhlum an tum a ni,”

tiin. #2 Lal. 19:10,14.

4Pathianin engtin nge a chhân kha? “Baala hmaa ṭhingṭhi ngai lo mi sângsarih keima tân ka la zuah reng a ni,” tiin a chhâng a nih kha. #1 Lal. 19:18. 5Tûnah pawh chutiang bawk chuan Pathianin a khawngaihna avânga a thlan chhuahte chu tlêm tê chauh an ni. 6A khawngaihna avânga thlan chhuah an nih chuan, an thiltih vâng a ni thei lo; chuti ni se khawngaihna chu khawngaihna a ni thei lo vang.

7Engtin nge ni ta ang le? Israel-te chuan an zawn chu an hmu lo va, Pathian thlan tlêm tê chauhvin an hmu, mi dang zawng zawng chu an chawlawl zo vek ta a ni. 8“Pathianin vawiin thlengin rilru muthlu a pe a, hmu thei lo mit leh hre thei lo beng nên,” tih ziak ang khân. #Deut. 29:4; Isa. 29:10. 9Tin, Davida chuan,

“An ruai siam chu an tân thang leh fal ni sela,

Tlûkna leh thungrulhna ni rawh se! #Sam. 69:22,23 (LXX).

10An hmuh theih loh nân an mit chu thim sela,

Rit phurin kûl reng rawh se,”

a ti bawk a.

Jentail-te chhandamna

11A nih leh an tlûk avângin an chhe hlen dâwn em ni? Chhe hlen suh e, an tlûk avângin Jentail-te hnênah chhandamna a lo thleng a, Israel-te awh tûra lo thleng a ni. 12Tichuan, an tlûkna mah khawvêl tihhausakna a niha, an tlâkhniamna mah Jentail-te hausakna a nih bawk si chuan, an lo tel kim hun chuan eng ang tak ni ang maw!

13Nangni Jentail-te hnênah thu ka sawi a nih hi. Kei hi Jentail tâna tirhkoh ka nih avângin ka rawngbâwl hna hi ka ngai ropui a ni; 14ka chipuite ka thîktîr che u a, a ṭhen tal ka chhandam theihna tûrin. 15Anmahni paihthlâkna mah khawvêl hi Pathian ṭhiana siam lehna a nih si chuan, anmahni lawm luh lehna chu thihna ata nun lehna a ni dâwn lâwm ni? 16Chhang hmeh lai hlâwm ata sawh thlâk hmasak ber chu serh thianghlim a nih chuan, a hlâwm pum pawh serh thianghlim a ni; tin, thing pawh a zung a thianghlim chuan a zârte pawh a thianghlim a ni.#Num. 15:17-21. 17Oliv thingzâr ṭhenkhat chu sât thlain, nangni oliv suakte chu oliv kûngah chuan zawm in ni a; zung ṭha chu in ṭâwm ve ta a. 18Zâr dangte lakah chuan inchhuang mah ula, a zung châwmtu in ni lo, a zungin a châwm zâwk che u a ni.

19Tin, nangin, “Zawma ka awmna tûr zârte chu sah thlâk a ni alâwm,” i ti ang e. 20I ti dik e; an rin loh avângin sah thlâk an ni a, nang chu i rin avângin zawm i ni. Chapo mai teh suh, hlau zâwk rawh. 21Pathianin zâr takte chu a zuah si loh chuan nang pawh a zuah bîk lo vang che. 22Pathian ṭhatzia leh a ṭihbaiawmzia hi ngaihtuah teh; tlute tân a ṭihbaiawm a, a ṭhatnaa i awm reng chuan, nanga tân zawng a ṭha a ni; i awm reng loh chuan nang pawh sah thlâk i ni ve mai ang.

23Tin, anni pawh ring lova an awm reng loh chuan zawmin an awm leh ang, Pathianin anni chu a zawm leh thei si a. 24Nang oliv suak ata sah chhûm mah, pianphung pângngai ang lova oliv thing ṭhaa zawm i nih si chuan, oliv zâr dik tak chu oliv thing dikah chuan zawm a va awlsam zâwk dâwn êm!

Israel-te tundin lehna

25Unaute u, he thurûk hi in hriat loh ka duh si lo; chutilo chu, fing tâwk in lo inti dah ang e; Jentail-te an tel kim hma chu Israel mi ṭhenkhatte chungah chawlawlna a lo thleng rih a ni, tih hi. #Lk. 21:24. 26Chumi hunah chuan a ni, Israel mi zawng zawng chhandam an nih dâwn ni.

“Zion aṭangin Chhandamtu chu a lo chhuak ang a,

Jakoba hnên ata suahsualna a ti bo vang.” #Sam. 14:7; Isa. 59:20,21 (LXX).

27‘Chu chu an hnêna ka thuthlun tûr chu a ni,

An sualte ka lâk bo hunah chuan,’

tih ziak ang khân. #Isa. 27:9 (LXX); Jer. 31:33.

28Chanchin Ṭha an hnâwl avângin Juda-te chu Pathian hmêlma an ni a; nangni chan a ṭhat phah a; mahse, Pathianin a thlan avângin thlahtute azârah a ṭhian duh takte an ni tho. 29Pathianin mal a sâwm tawh leh a thlan tawh chu sût leh theih a ni lo. 30Hmânah chuan Pathian thu in awih lo va, tûnah zawng annin an awih loh avângin a khawngaihna in dawng ta a; 31chutiang bawkin, tûnah nangnin khawngaihna in dawn avângin, anni pawhin khawngaihna an dawn ve theih nân tûnah hian#11:31 Mss ṭhenkhatah, ‘tûnah hian,’ tih hi a tel lo. an awih rih lo a nih hi. 32An zavaia chungah a khawngaihna a lantîr duh avângin Pathian chuan mi zawng zawng#11:32 Mss ṭhenkhatah, ‘thil zawng zawng,’ tih a ni. awih lohnaah a khung khâwm a ni.

33Pathian hausakzia, a finna leh a hriatna chu a va thûk êm! A rorêl dân chu hriat phâk rual loh, a kawngte chu chhui theih rual loh a ni! #Isa. 55:8.

34“Lalpa rilru chu tu nge hriaa, tu nge a remruatsaktuah ṭang tawh? #Isa. 40:13 (LXX); 1 Kor. 2:16.

35A rulh leh tûra a hnêna thil pe tu nge awm ngai le?” #Job. 4:11.

36Thil zawng zawng hi amah aṭanga lo awm, amah avâng leh ama tâna awm a ni. A hnênah chatuanin ropuina chu awm rawh se; Amen. #1 Kor. 8:6.

Currently Selected:

ROM 11: MIZCLBSI

Highlight

Copy