SAM 51
51
Ngaihdam dîlna
Hla hruaitu tân: Davida Fakna hla.Bathsebi a hruai hnua Zâwlnei Nathana a rawn inlan ṭuma mi
1Aw Pathian, mi ngilnei tak i nih avângin min khawngaih la,
Lainatna ngah tak i nih avângin, ka bawhchhiatnate hi thai bo vang che.
2Ka khawlohnate hi min sil faisak la,
Ka sualna hi min tlen faisak ang che.
3Ka bawhchhia tih ka hre ta si a,
Ka sualzia pawh ka hre reng mai.
4I chungah, i chungah ngei thil sual ka ti a,
I mit hmuha sual chu ka ti a ni.
Ka chungthu i sawi hi a dik e,
Thiam loh min chantîr pawh a dik a ni.#Rom. 3:4.
5A ni, sualin ka lo piang a,
Ka nu min pai tirh aṭang rêngin mi sual ka ni.
6Ngai teh, nang chuan chhûngril lamahte hian
Takna i duh ṭhîn a.
I finna chuan min tikhat ang che.
7Husop-in#51:7 Husop hi tuia intheh fai nân an hmang. Mi ṭhenkhat chuan ‘tuihna’ tihna niin an ngai, ‘Ka sual la bo la, tuihna fîm tak aiin ka thianghlim ang’ tia lehlin tûrah an ngai. tui min theh la, ka thiang ang a,
Min sil fai la, vûr aiin ka vâr ang.
8Hlim leh lâwm ri mi hriattîr ang che,
Ka ruhte hi i titliak na a,
Hlimna ka nei leh ang.
9Ka sualna hi haider la,
Khawlohna zawng zawng thai bo vang che.
10Aw Pathian, keimahah hian thinlung thianghlim siam la,
Rilru thar nghet tak min pe ang che.
11I hnên ata hi min hnawt bo suh la,
I Thlarau thianghlim hi min lâksak hek suh ang che.
12I chhandam hlimna chu min pe leh la,
Thlarauvin dawhthei takin min chelh reng ang che.
13Tichuan, i kawngte chu bawhchhetute ka kawhhmuh ang a,
Mi sualte chuan i lam an lo hawi ang.
14Aw Pathian, min chhandamtu Pathian,
Thisen chhuahna lakah min hum la,
I felzia hi lâwm takin ka puang ang,
15 Lalpa, ka hmuite hi hawng la,
Tichuan, ka fak dâwn che nia.”
16Inthawina hi i lâwm lo va,
Lâwm la chu ka rawn hlân tûr,
Hâlral thilhlan pawh i duhzâwng ber a ni hek lo.
17Pathian hnêna inthawina dik tak chu thinlung keh#51:17 Mahni duhna nei tawh lova Pathian thuhnuaia inphah zân, tihna a ni. hi a ni,
Aw Pathian, lungchhiaa inchhîr ngawih ngawih hi
I hmusit ngai lo ve.
18Aw Pathian, Zion khua chu duhsakin thil ṭha tihsak la,
Jerusalem kulh bangte pawh din thar ang che.
19Tichuan, hâlral leh pumhlan inthawina dik takah chuan i lâwm ang a,
I maichâmah bâwngpa an rawn hlân tawh ang.
Currently Selected:
SAM 51: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
