Popular Bible Verses from SAM 51

Share

Aw Pathian, keimahah hian thinlung thianghlim siam la, Rilru thar nghet tak min pe ang che.

I chhandam hlimna chu min pe leh la, Thlarauvin dawhthei takin min chelh reng ang che.

I hnên ata hi min hnawt bo suh la, I Thlarau thianghlim hi min lâksak hek suh ang che.

Pathian hnêna inthawina dik tak chu thinlung keh hi a ni, Aw Pathian, lungchhiaa inchhîr ngawih ngawih hi I hmusit ngai lo ve.

Aw Pathian, mi ngilnei tak i nih avângin min khawngaih la, Lainatna ngah tak i nih avângin, ka bawhchhiatnate hi thai bo vang che. Ka khawlohnate hi min sil faisak la, Ka sualna hi min tlen faisak ang che.

Husop-in tui min theh la, ka thiang ang a, Min sil fai la, vûr aiin ka vâr ang.

I chungah, i chungah ngei thil sual ka ti a, I mit hmuha sual chu ka ti a ni. Ka chungthu i sawi hi a dik e, Thiam loh min chantîr pawh a dik a ni.