SAM 32
32
Sual puan leh ngaihdamna
Davida ta; Hla fing
1An bawhchhiatna ngaihdama awma,
An sualna thai bosakte chu an nihlawh e.#Rom. 4:7,8.
2 Lalpan khawlohna nei lova a ngaih,
Bum tumna reng nei lo mi chu an nihlawh e.
3Ka ngawih tlat#32:3 ‘sual inpuang duh lo’ tih theih a ni. lai khân,
Nilênga ka rûmna lamah,
Ka chau zo ta a ni.
4A chhûn a zânin i kut ka tuar ṭhîn a,
Ṭhâl rum lai ram ro angin ka ro zo ta.
5Ka sualna chu i hmaah ka rawn puang a,
Ka khawlohna ka zêp hek lo.
“Lalpa hnênah ka bawhchhiatna thupha ka chawi teh ang,” ka ti a.
Tichuan, ka sualna zawng zawng chu i lo ngaidam ta a.
6Hei vâng tak hian,
hmuh awla i awm lai hian Pathian ngaihsak mite chu,
Tuite lo lian bulh bulh mah se, a chîm pha hauh lo vang.
7Ka tân bihrûkna i ni a,
Hmêlma lakah min hum ang che.
Min vên him avângin ka fak ang che.
8“Ka zirtîr dâwn che a,
I kalna tûr ka kawhhmuh bawk ang che.
Ka en reng che a,
Ka kaihruai zêl ang che.
9Eng mah hre lo sabengtung leh sakawr ang hian awm suh u;
Anni chu i thununa, i duhna lama duh duha i kaih
theih nân lakam barh an ngai asin,” Lalpan a ti.
10Mi sualte tuarna chu a va tam êm!
Amah ringtute erawh chu
Lalpan a khawngaihnain a enkawl ṭhîn.
11Mi dikte u, Lalpa-ah chuan hlimin lâwm fo ula,
Rilru ngîl tak pu zawng zawngte u,
Hlimin au rawh u.
Currently Selected:
SAM 32: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
