Popular Bible Verses from SAM 32

Share

“Ka zirtîr dâwn che a, I kalna tûr ka kawhhmuh bawk ang che. Ka en reng che a, Ka kaihruai zêl ang che.

Ka tân bihrûkna i ni a, Hmêlma lakah min hum ang che. Min vên him avângin ka fak ang che.

Ka sualna chu i hmaah ka rawn puang a, Ka khawlohna ka zêp hek lo. “LALPA hnênah ka bawhchhiatna thupha ka chawi teh ang,” ka ti a. Tichuan, ka sualna zawng zawng chu i lo ngaidam ta a.

An bawhchhiatna ngaihdama awma, An sualna thai bosakte chu an nihlawh e.

LALPAN khawlohna nei lova a ngaih, Bum tumna reng nei lo mi chu an nihlawh e.

Hei vâng tak hian, hmuh awla i awm lai hian Pathian ngaihsak mite chu, Tuite lo lian bulh bulh mah se, a chîm pha hauh lo vang.