SAM 30
30
Lâwmthu hril ṭawngṭaina
In a hlan laia fakna hla: Davida ta
1 Lalpa, min chhan chhuah avângin ka fak ang che,
Ka chungah hian hmêlma an hlim i phal si lo.
2Aw Lalpa, ka Pathian,
Ka au che a, min lo tidam ta a.
3 Lalpa, Seol ata min la chhuak a,
Thlâna chhuk tûr min tihdam leh tâk hi.#30:3 Heb. ‘khur thûk,’ mitthi khua sawina (Sam. 6:5).
4A mi thianghlimte u, Lalpa chu fakin zai ula,
A hming thianghlim chu fak rawh u.
5A thinur chu a dai thuai a,
A duhsakna chuan dam chhûng a daih.
Zânah mittui nên mu mah ila,
Zîngah lâwmna a lo thleng ṭhîn.#Sam. 103:9; Isa. 26:20; 54:7,8; 2 Kor. 4:17.
6Kei chuan ngaihṭha taka awmin,
Ka nghîng ngai lo vang, ka ti ṭhîn a.
7 Lalpa, ka chunga i ṭhatna avângin tlâng angin mi tinghet a,
Mahse, i hmêl i han thup chuan
Ka mangan leh mai ṭhin kha.
8 Lalpa, ka au va che,
Lalpa hnênah khawngaih ka dîl a ni.
9Thi ta ila, leilâwtah tla ila,
I tân eng nge hlâwk ang?
Mitthite#30:9 Heb. ‘Vaivut’ chuan an fak thei che em ni?
I ṭhatzia pawh an puang ang maw?
10 Lalpa, lo ngaithla la, min khawngaihin Lalpa, min ṭanpui ang che.
11Ka ṭah hi lâwmah chantîr la,
Hlimna min sintîr zâwk ang che. #2 Samu. 6:14; Isa. 61:3; Jer. 31:14.
12Tichuan, ngawi mai lovin
Nangmah fakin ka zai ang a,
Lalpa ka Pathian i ni a,
Ka fak kumkhua ang che.
Currently Selected:
SAM 30: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
