SAM 29
29
Thlipuia Lalpa aw
Davida Fakna hla
1Pathian fate u, Lalpa chu fak ula,
Lalpa ropuina leh a chakna chu fak rawh u.
2 Lalpa hming ropui tak chu fak ula,
Thianghlimna silhfên inbelin#29:2 ‘A biak in thianghlimah’ tih theih a ni.
Lalpa hmaah lo kûn rawh u.#Sam. 96:7-9.
3Tui chungahte chuan Lalpan aw a chhuah a,
Pathian ropui chuan khawpui a tiri a,
Tuifinriat chungahte chuan a ri dur dur a.
4 Lalpa aw chu thiltithei#29:4 Heb. ‘ring (ri).’ tak a ni,
Lalpa aw chu a ropui ngei mai.
5 Lalpa aw chuan sidar thingte a titliak a,
A ni, Lalpan Lebanon sidar thingte chu a titliak rem rum mai.
6Lebanon chu bâwng notê ang maiin a zuantîr a,
Sirion#29:6 ‘Hermon’ tlâng hming dang a ni. tlâng chu ramsial notê angin.
7 Lalpa aw chuan kâwl a tiphe zawr zawr a,
8 Lalpa aw chuan thlalêr a tinghîng a,
Lalpan Kades thlalêrte chu a tinghing a.
9 Lalpa aw chuan zukpuite no a chhiattîr a,#29:9 ‘Lalpa aw chuan sasaw thingte a sâwi nek a’ tih a ni.
Ngawa thinghnahte a tiṭîl vek ṭhîn a,
A tempul-ah chuan, “A va ropui em!” an ti.
10 Lalpa chu Tuilêt chungah a ṭhu a,
A ni, Lalpa chuan kumkhuain ro a rêl ang.
11 Lalpan a mite chu a tichak ang a,
Lalpan a mite chu muanna a pe bawk ang.
Currently Selected:
SAM 29: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
