SAM 28
28
Ṭanpui dîlna
Davida ta
1Aw Lalpa, ka lungpui,
ka au va che,
Min ngawihsan suh.
I ngawih reng chuan
Leilâwta tlate ang ka ni mai ang.
2Khawngaih dîla ka au hi ngaithla la,
I hmun thianghlim lama pharin ka koh che hi.
3Mi sualte leh thil sual titute zîngah chuan
Min la bo tel suh ang che.
An ṭhiante chu remthu an sawipui a,
Thil sual an ngaihtuah nghâl si ṭhîn.
4An thiltihte a sualzia ang zêlin hrem la,
An kut thiltih phu tâwk zêlin thungrûl ang che.#Thup. 22:12.
5 Lalpa thiltih leh a thilsiam chu
An hriatthiam duh loh avângin
Anniho chu a tichhe vek ang a, a tungding leh tawh lo vang.
6 Lalpa hi zawng fak tlâk a ni,
Khawngaih ka dîlna aw a lo ngaithla si ṭhîn a.
7 Lalpa chu mi tichaktu ka phaw a ni,
Amah ka rinchhan a, min ṭanpui ṭhîn;
Ka lâwm êm êm a, amah fakin ka zai bawk ang.
8A mite tân Lalpa chu kulhpui a ni,
A hriakthiha tân pawh chhandamna kulhbîng sâng a ni.
9I mite chhandam la,
I rochante hi mal sâwm la,
Vêngin, enkawl kumkhua ang che.
Currently Selected:
SAM 28: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
