MATHAIA 24

Tempul chhiat tûr thu

(Mt. 13:1,2; Lk. 21:5,6)

1Isua chu Tempul ata a chhuak a, a kalsan dâwn laiin, Tempul sak dân te chu entîr tûrin zirtîrte an lo kal a. 2Ani erawh chuan a chhâng a, an hnênah, “Hêng zawng zawng hi in hmu maw? Thu dik ka hrilh a che u, lung intiang rêng rêng hi pakhat mah tihchim lohva hnutchhiah a awm lo vang,” a ti a.

Buaina leh tihduhdahna

(Mk. 13:3-13; Lk. 21:7-19)

3Tin, Oliv tlânga a ṭhut laiin zirtîrte chu anmahni chauhvin a hnênah an lo kal a, “Chûng chu engtikah nge a lo awm ang a, i lo kal lehna leh khawvêl tâwp chhinchhiahna thil mak eng eng nge awm ang, min hrilh teh,” an ti a.

4Isuan a chhâng a, “Tu man an hruai bo loh nân che u fîmkhur rawh u. 5Ka hming chhâlin ‘Krista chu ka ni,’ tiin mi tam tak an lo chhuak dâwn si a, mi an hruai bo ṭeuh ṭeuh vang. 6Indo ri te, indo chanchin te pawh in hria ang a, thlaphâng lo tûrin fîmkhur rawh u; chûng chu lo thleng tûr rêng a ni; hun tâwp erawh chu a la ni rih lo ve. 7Hnam hrang leh hnam hrang an indo vang a, sawrkâr hrang leh sawrkâr hrang an indo bawk ang, hmun hrang hrangah ṭâm a tla ang a, lîr a nghîng bawk ang. 8Chûng zawng zawng chu nau vei a inṭan ta tihna a ni.

9“Chumi hunah chuan hrehawm tuar tûrin an mantîr ang che u a, an tihlum ang che u; ka hming avângin hnam zawng zawngin an hua ang che u.#Mt. 10:22. 10Chumi hunah chuan mi tam tak an tlu ang a, an inmantîr tawn ang a, an inhaw tawn ang. 11Zâwlnei der tam tak an lo chhuak ang a, mi an hruai bo ṭeuh ṭeuh vang; 12Suahsualna a pun dâwn avângin mi tam zâwk hmangaihna chu a la dai ang. 13Nimahsela, a tâwp thlenga chhel taka tuar peih apiang, chûng mite ngei chu chhandam an ni ang. #Mt. 10:22; 10:22; Thup. 2:7. 14Ram Chanchin Ṭha hi hnam zawng zawng hriat tûrin khawvêl pum puia hril a ni ang a, chumi zawhah chuan tâwpna chu a lo thleng dâwn a ni.

Tiṭiautu tenawm

(Mk. 13:14-23; Lk. 21:20-24)

15“Chutichuan, tiṭiautu tenawm zawlnei Daniela hmanga sawi kha, hmun thianghlima ding in hmuh hunah chuan (a chhiar chuan a awmzia hre rawh se) 16Judai rama awmte chu tlângramahte tlân rawh se; 17in chunga awm chu in chhûnga englo chuh tûrin chhuk suh se,#Lk. 17:31. 18Lova feh pawh a silhfên chuh tûrin haw hek suh se. 19Nau pai te leh nauno pawmte chu an va khawngaihthlâk dâwn êm!#Lk. 23:29. 20Thlasik lai#24:20 Thlasik hi hêng ram fûr lai a ni. emaw, Sabat ni emawa in tlân a ṭûl loh nân ṭawngṭai rawh u. 21Chumi hun chu a hrehawm êm êm dâwn a ni; chutianga hrehawm chu leilung pian tirh ata tûn thlengin a la awm ngai lo va, awm pawh a awm leh tawh hek lo vang. #Dan. 12:1; Joel. 2:2; Thup. 7:14. 22Chûng nite chu tihtawi ni suh sela, mihring tu mah dam khawchhuak an awm lo vang; nimahsela, thlante avângin chûng nite chu tihtawi a ni ang.

23“Chutih hunah chuan tu pawhin in hnênah, ‘En teh u, Krista chu heta hi,’ emaw, ‘Sawta saw,’ emaw an tih pawhin awih duh suh ang che u. 24Krista der leh zâwlnei derte an lo chhuak dâwn si a; thei ang se thlante meuh pawh an hruai bo theih nân chhinchhiahna leh thil mak ropui tak tak an ti ang. 25Ngai teh u, ka hrilh diam tawh che u hi. 26Chutichuan, in hnênah, ‘Thlalêrah a awm e,’ an tih chuan kal chhuak suh u, ‘En teh u, pindan chhûngrilah a awm,’ an tih pawhin awih duh hek suh ang che u. 27Chhak lamah kâwl a lo phe a, thlang lam thlengin a ên ṭhîn. Mihring Fapa lo kal lehna pawh chutiang chu a ni dâwn si a.#Lk. 17:23,24.

28“Khawiah pawh sa ruang awmna apiangah mulukawlhte an awm khâwm ang. #Lk. 17:37; Job. 39:30.

Mihring Fapa lo kal

(Mk. 13:24-27; Lk. 21:25-28)

29“Tin, chûng hun hrehawm chu a liam veleh ni a thim ang a, thla a êng hek lo vang; vân aṭangin arsite a tla ang a, vân thiltihtheihnate chu tihnghîn a ni ang. #Isa. 13:10; 34:4; Ezek. 32:7; Joel. 2:10,31; 3:15; Zef. 1:15; 2 Pet. 3:10; Thup. 6:12,13; 8:12. 30Chutih hunah chuan Mihring Fapa chhinchhiahna chu vânah a lo lang ang a, chumi hunah chuan leia chi tinrêngin ṭapin an âwm an chûm ang a, Mihring Fapa hi thiltihtheihna leh ropuina nasa tak nên vân chhûm zînga a lo kal an hmu ang. #Dan. 7:13; Zak. 12:10-14; Mt. 16:27; Thup. 1:7. 31Vântirhkohte chu tawtawrâwt ri ruai ruai nên a tîr chhuak ang a, anni chuan thlante chu kâwlkil li ata vân tâwp aṭanga a tâwp lehlam thlengin an lâwr khâwm ang. #1 Kor. 15:52; 1 Thes. 4:16; Isa. 27:13; Zak. 9:14.

Theipui kûng aṭanga zir tûr

(Mk. 13:28-31; Lk. 21:29-33)

32“Tichuan, theipui kûng awm dân aṭang hian zir tûr in nei; a zîk a lo no va, hnah a rawn chhuah chuan nipui a thaw dâwn tih in hre ṭhîn. 33Chutiang bawkin, nangni pawhin chûng zawng zawng in hmuh hun chuan ani chu a lo hnai tawh a, a lo thleng ṭêp tawh tih hria ang che u. 34Thu dik ka hrilh a che u, chûng zawng zawng chu a thlen hma loh chuan tûnlai mite hi an ral hman lo vang. #Mt. 16:28. 35Lei leh vân a ral ang a, ka thu erawh chu a ral lo vang. #Mt. 5:18; Lk. 16:17.

A hun leh ni tu ma hriat loh

(Mk. 13:32-37; Lk. 17:26-30,34-35)

36“Nimahsela, chûng lo thlen hun tûr ni leh dâr chu, Pa chauh lo chuan tu man an hre lo; vâna vântirhkohte pawhin, Fapa#24:36 Mss ṭhenkhatah ‘Fapa’ tih a tel lo. pawhin an hre lo. #Tirh. 1:6,7. 37Tin, Nova dam lai ang khân Mihring Fapa lo kal lehna chu a ni ang. #Gen. 6:6-8. 38Tuilêt hma,#24:38 ‘chhiatna nasa’ emaw, ‘tui lian pui’ emaw tih theih a ni. Nova lawnga a luh ni thlengin an eiin an in a, nupui pasal an innei ṭhîn a; 39tui a lo lian a, an zaa a lâk bo vek hma loh chuan eng mah an hre lo, Mihring Fapa lo kal lehna chu chutiang bawk chu a ni ang. 40Chumi hunah chuan lovah mi pahnih an awm ang a, pakhat chu lâk a ni ang a, pakhat chu hnutchhiah a ni ang. 41Hmeichhe pahnihin buh an dêng ang a, pakhat chu lâk a ni ang a, pakhat chu hnutchhiah a ni ang.

42“Chutichuan, inring rengin awm rawh u, eng ni-ah nge in Lalpa a lo kal dâwn in hre si lo. 43Nimahsela, hei hi in hria e, rûkru lo kal tûr in neituin hria sela, a lo inring ang a, a in a reh pawhtîr lo vang.#Lk. 12:29-40. 44Chuvângin, nangni pawh inpeih rengin awm rawh u, in beisei loh hunah Mihring Fapa chu a lo kal hlauh dah ang e.

Chhiahhlawh rinawm leh rinawm lo

(Lk. 12:41-48)

45“An puin an chhûngkaw hotu-ah leh an chaw sem huna semsak ṭhîntu atân sum enkawltu rinawm tak leh fing a ruat tûra chu tu nge ni ang? 46An pu hâwn huna bawih chutiang ti a rawn hmuh chu a nihlawh e. 47Thu dik ka hrilh a che u, a neih zawng zawng chunga hotu-ah a rawn siam ang. 48Amaherawhchu, bawih sual chuan, ‘Ka pu hi a lo haw lawk dâwn lo ve,’ ti rilruin 49a bawihpuite lo vêl ta sela, zu ruite nên eiin in sela, 50chu bawiha pu chu a rin loh ni-ah, a hriat loh dârah a lo kal ang a, 51bung hnihah#24:51 na taka hrem. a rawn chhuah ang a, mi vervêkte chan ang a chantîr ang; chutah chuan an ṭap ang a, hâ an ṭhial ang.

Currently Selected:

MATHAIA 24: MIZCLBSI

Highlight

Copy