MATHAIA 23

Farisai-te leh Dân zirtîrtute laka fîmkhur tûr

(Mk. 12:38,39; Lk. 11:43,46; 20:45,46)

1Tichuan, mipuite leh zirtîrte hnênah Isuan thu a sawi a, 2“Dân zirtîrtute leh Farisai-te chu Mosia Dân zirtîrtua ruat an ni a. 3Chuvângin, an hrilh apiang che u chu ti ula, zâwm zêl ang che u, an thiltih ang erawh chu ti ve suh ang che u; sawi zawng an sawi ṭhîn a, an ti si ṭhîn lo. 4Phurrit hrehawm tak tak an siam a, mite an bel ṭhîn a, anni erawh chuan an kut zung hmâwr pawhin an khawih duh si lo.#Lk. 11:46; Tirh. 15:10. 5An thiltih zawng zawng chu mite hmuh atân a ni an tih ṭhin ni; an bân hrên leh chal hrêna bâwm#23:5 Deut. 6:4 thu an dahna bâwm. chu an tihlai a, an puan fêm an tibuk ṭhîn a. #Mt. 6:1; Exod. 13:9; Num. 15:38; Deut. 6:8. 6Ruai ṭhehna hmuna ṭhutna ṭha ber te, Sunagog-a ṭhutna langsâr ber te, dâwrpui hmuna chibai bûk te, 7miten ‘Rabi,’ an tihte an ngaina si ṭhîn.

8“Nangni erawh chu, ‘Rabi,’ tihin awm suh u, in zirtîrtu chu pakhat a ni a, in za-in unau in ni si a. #Jak. 3:1. 9Tin, leiah hian tu mah, ‘ka pa’ ti suh u; in Pa chu pakhat a ni, vâna mi chu. 10‘Hruaitute,’ tihin awm hek suh u, in Hruaitu chu pakhat a ni, Krista chu. 11In zînga ropui ber chu in rawngbâwltu a ni tûr a ni. #Mt. 20:26,27; Mk. 9:35; 10:43,44; Lk. 22:26. 12Tu pawh inngaihlu chu an tlâwm ang a, inngaitlâwm apiang chawimawi an ni ang. #Lk. 14:11; 18:14; Mt. 18:4; 1 Pet. 5:6.

An vervêknaah Isuan a dem

(Mk. 12:40; Lk. 11:39-42,44,52; 20:47)

13“Nangni Dân zirtîrtu leh Farisai vervêkte u, in chung a pik e! Vânram kawng chu mite in khârsak si ṭhîn; nangni lah in lût si lo va, a lût tûrte pawh an luh in phal hek lo.#23:13 Mss ṭhenkhatah châng 14-na, ‘Nangni Dân zirtîrtu leh Farisai vervêkte u, in chung a pik e. Hmeithai sum in ei a, tlâng bum nân rei tak tak in ṭawngṭai ṭhîn. Chuvângin, thiam loh in chang lehzual ang,’ tih a tel (Mk. 12:40). 15Nangni Dân zirtîrtu leh Farisai-te u, in chung a pik e! Saphun pakhat siam tûrin tuifinriat leh khawmual in fang vêl ṭhîn a; in saphuna in siam hnuin nangmahni lêt hniha sualah in siam ṭhîn. #Tirh. 2:10; 6:5; 13:43.

16“Nangni hruaitu mitdel, ‘Tempul chhâlin miin chhia chham sela, eng mah a ni lo; Tempul rangkachak chhâla chhia a chham erawh chuan a hlen tûr a ni,’ titute u, in chung a pik e! 17Nangni mi â, mitdelte u, a eng nge ropui zâwk, rangkachak nge rangkachak tithianghlimtu Tempul chu? 18‘Miin maichâm chhâlin chhia chham sela, eng mah a ni lo; a chunga thilpêk chhâla chhia an chham erawh chuan an hlen tûr a ni,’ in ti bawk a. 19Nangni mitdelte u, a eng nge ropui zâwk, thilpêk nge thilpêk tithianghlimtu maichâm chu? 20Chuvângin, maichâm chhâla chhechham chu maichâm leh a chunga awm zawng zawng chhâla chhechham a ni. 21Tempul chhâla chhechham chu Tempul leh a luahtu chhâla chhechham a ni. #1 Lal. 8:13; Sam. 26:8. 22Vân chhâla chhechham chu Pathian ṭhutthlêng leh a chunga ṭhu chhâla chhechham a ni. #Isa. 66:1; Mt. 5:34.

23“Nangni Dân zirtîrtu leh Farisai vervêkte u, in chung a pik e! Pudina te, lêngmasêr te, pardi te sâwma pakhat in pe ṭhîn a; Dân thu pawimawh zâwk - dikna te, khawngaihna te, rinawmna te in ngaihthah si ṭhîn; nimahsela, chûng chu asin in tih tûr ni, a dangte chu ngaihthah chuang lovin. #Lev. 27:30; Mik. 6:8. 24Hruaitu mitdel, thosi in tel palh hlauva thli faia, sanghâwngsei thli fai lova lem tel si ṭhînte u!

25“Nangni Dân zirtîrtu leh Farisai vervêkte u, in chung a pik e! No leh thlêng pâwn lam in sil fai ṭhîn a, a chhûng lam erawh chu duhâmna leh insûm lohnain a khat si a. #Mk. 7:4. 26Nang, Farisai mitdel, no leh a chhûng lam chu sil fai hmasa rawh, a pâwn lam pawh a lo fai dâwn nia.

27“Nangni Dân zirtîrtu leh Farisai vervêkte u, in chung a pik e! Thlân hnawih vâr, a pâwn lama mawi taka lang, a chhûng lam erawh chu mitthi ruh leh bawlhhlawh tinrênga khat ang chu in ni. #Tirh. 23:3; Sam. 5:9. 28Nangni pawh chutiang bawkin pâwn lamah chuan mi hmuhin fel âwm takin in lang a, chhûng lamah erawh chuan vervêkna leh khawlohnain in khat si.

Hrem an nih tûr Isuan a sawi

(Lk. 11:47-51)

29“Nangni Dân zirtîrtu leh Farisai vervêkte u, in chung a pik e! Zâwlnei thlân inte in sa a, mi fel thlânte pawh in cheimawi a. #Tirh. 7:52,53. 30‘Kan pi leh pute dam lai khân awm ve pawh ni ila, zâwlneite thisen chhuahnaah zawng kan tel ve lo vang,’ in ti ṭhîn. 31Chutiangin zâwlneiho thattute thlah in nihzia in tilang a ni. 32In pi leh puten an lo tih ṭan tawh chu hlen law law rawh u. 33Rûlte u, rûlrial thlahte u, hremhmun rorêlna chu engtin nge in pumpelh theih ang? #Mt. 3:7; 12:34; Lk. 3:7.

34“Ngai teh u, chumi avâng chuan in hnênah zâwlnei te, mi fing te, Dân zirtîrtute ka rawn tîr dâwn; ṭhenkhat in tihlum ang a, in khêngbet ang; ṭhenkhat sunagog-ah in vua ang a, khaw tinah in tiduhdah zui zêl ang.#Mt. 10:17,23.#Lk. 11:49-51; 2 Chr. 36:15,16. 35Chutichuan, Abela, mi fel tak thisen chhuah aṭangin, Hmun Thianghlim leh maichâm inkâra Barakia fapa Zakaria thisen in chhuah thleng khân, lei chunga mi fel thisen chhuak zawng zawng mawh chu nangniho chungah a tla ang. #Gen. 4:8; Heb. 11:4; Zak. 1:1; 2 Chr. 24:20,21. 36Thu dik ka hrilh a che u, chûng zawng zawng chu tûnlai mite chungah a thleng dâwn a ni.

Isuan Jerusalem a hmangaihzia

(Lk. 13:34,35)

37“Aw Jerusalem, Jerusalem, zâwlneite thattu, i hnêna tirhte lo dêng hlumtu! Arpuiin a notê a thla hnuaia a awp khâwm angin i fate vawi eng zât nge awp khâwm ka tuma, in duh si loh kha? 38Ngai teh u, in Tempul#23:38 Grik ‘in’ tih a ni. chu a rauhsan a, a ram ta a ni.#23:38 Mss ṭhenkhatah ‘a ram ta’ tih hi a tel lo. #Jer. 22:5. 39Ka hrilh a che u, ‘Lalpa hminga lo kal chu fakin awm rawh se,’ in tih hma chuan tûn a chinah mi hmu leh dâwn tawh lo a nih hi,” a ti a. #Sam. 118:26.

Currently Selected:

MATHAIA 23: MIZCLBSI

Highlight

Copy