Kusintii Andunya 36

Kububai Esau si ilɛi Edɔmu

1Faajii nyaanzei Esau wee, nŋu iyi à ya kpe Edɔmu má. 2Esau í so aboɛ ŋai si dimii inɛi Kanaã ŋa. Sinte í so Ada hai si dimii inɛi Hɛti ŋa, ama inaaboi Elɔ̃ɔ. Si anyiɛ nɔ í so Oholibama hai si dimii inɛi Hɛvi ŋa. Oholibamau nŋui í jɛ ama inaaboi Ana, tɔkui Sibeɔ̃. 3Nɔ í so abo mɛɛtasiaɛ má. Aboui à ya kpe Basimati, wecĩi Nebayɔti. Amai Isimaɛlii wa jɛ. 4Ada nŋui í bí Elifazi, nɔ Basimati mɔ í bí Reuɛli, 5nɔ Oholibama mɔ í bí Yeusu do Yalami do Kɔra. Inɛ nŋu ŋau bɛi à jɛ amai Esau ŋa iyi í bí wa hai ilɛi Kanaã.

6Nɔ í so aboɛ ŋa, do ama inɛmɔkɔɛ ŋa, do ama inaaboɛ ŋa, do amaacɛɛ ŋa, do mɛɛmu wɛwɛɛɛ ŋa do kɛtɛɛ ŋa fei, do andi mii iyi í jɛ amaniɛ iyi í ba si ilɛi Kanaã wa fei í nɛ ilɛ mmu má iyi í jĩò Zakɔbu ifɔɛu. 7Í ce bɛɛbɛi si na iyi í jɔ̀ mɛɛmu nŋa ŋau à kpɔ à caa. Nŋui í jɔ̀ a kaa yɔkɔ a tɔtɔɔ inya akã. 8Ŋɔi í jɔ̀ Esau, nŋu iyi à ya kpe Edɔmu máu, í koo í buba si iri kutai Seii.

Tɔkui Esau ŋa

9Faajii nyaanzei Esau wee, nŋu iyi í jɛ balai inɛi Edɔmu ŋa fei, aŋa iyi à wa si iri kutai Seii. 10-13Irii tɔkui Esau ŋa wee. Elifazi ama iyi Ada í bíaau, nŋui í bí Temaa do Omaa do Sefo do Gatami do Kenazi. Nɔ Elifazi í na í so abo mmu gɔ má iyi à ya kpe Timuna, nɔ nŋu mɔ í bíaa ama inɛmɔkɔ gɔ iyi à ya kpe Amalɛki. Aŋai à jɛ tɔkui Esau do aboɛ Ada.

Reuɛli ama iyi Basimati í bíaau, nŋui í bí Nahati do Zera do Sama do Miza. Aŋai à jɛ tɔkui Esau do aboɛ Basimati. 14Nɔ Oholibama ama inaaboi Ana tɔkui Sibeɔ̃, nŋu mɔ í bíaa Yeusu do Yalami do Kɔra.

15Inɛ ŋa iyi à jɛ ilu kpasɛ̃ ŋa si dimii Esau wee. Sinte titã, ti Elifazi ama yemmaɛ ŋai, Temaa do Omaa do Sefo do Kenazi 16do Kɔra do Gatami do Amalɛki. Inɛ nŋu ŋai à jɛ ilu kpasɛ̃ ŋa iyi Elifazi í bí si ilɛi Edɔmu. Aŋai à jɛ tɔkui Ada.

17Amai Reuɛli ŋa mɔ wee. Nahati do Zera do Sama do Miza. Inɛ nŋu ŋai à jɛ ilu kpasɛ̃ ŋa iyi Reuɛli amai Basimati í bí si ilɛi Edɔmu.

18Amai Oholibama ŋa mɔ wee. Yeusu do Yalami do Kɔra. Inɛ nŋu ŋai à jɛ ilu kpasɛ̃ ŋa iyi Oholibama amai Ana í bía Esau.

19Inɛ nŋu ŋau bɛ tɔkui Esaui à jɛ, waatɔ Edɔmu, nɔ aŋai à jɛ ilu kpasɛ̃ ŋa.

20-21Inɛ ŋa iyi à tako à buba si ilɛi Edɔmu tɔkui Seii inɛi Hori ŋai. Inɛ ŋa mɔ iyi à jɛ ilu kpasɛ̃ ŋa iri nŋa ŋa wee. Lotãa do Sobali do Sibeɔ̃ do Ana do Disɔ̃ɔ do Esɛɛ do Disãa. 22Amai Lotãa ŋa mɔ wee. Hori do Hemamu. Nɔ Lotãa í nɛ wecĩ gɔ à ya kpoo Timuna. 23Amai Sobali ŋa mɔ wee. Alivãa do Manahati do Ebali do Sefo do Onamu. 24Amai Sibeɔ̃ ŋa mɔ wee. Aya do Ana. Anai í yɛ isɔ̃ iyi wa gba si gbaau si waati iyi wa degbe gbankɛlɛi Sibeɔ̃ baaɛ. 25Amai Ana ŋa mɔ wee. Disɔ̃ɔ do ama inaaboɛ Oholibama. 26Amai Disɔ̃ɔ ŋa mɔ wee. Hemidãa do Esebãa do Yitirãa do Kerãa. 27Amai Esɛɛ ŋa mɔ wee. Bilehãa do Zavãa do Akãa. 28Amai Disãa ŋa mɔ wee. Usi do Arãa. 29-30Irii ilu kpasɛ̃ ŋa si nyaanzei inɛi Hori ŋa si ilɛi Seii wee. Lotãa do Sobali do Sibeɔ̃ do Ana do Disɔ̃ɔ do Esɛɛ do Disãa.

31Hai waati iyi inɛi Izirɛli ŋa a kù nɛ ilaalu, inɛ ŋa iyi à ya buba si bomma à maa jɔa njɛ si ilɛi Edɔmu wee. 32Sinte titã Bela amai Beɔɔ inɛi ilu iyi à ya kpe Dinabai í jɛ bomma si ilɛu. 33Si anyii ikuɛ nɔ Yobabu amai Zera inɛi ilu iyi à ya kpe Bɔsura í sãsi agbɛɛ. 34Nɔ Yobabu í na í ku, nɔ Husami inɛi ilɛi Temaa í sãsi agbɛɛ. 35Nɔ Husami mɔ í na í ku, nɔ Hadadi amai Bedadi inɛi ilu iyi à ya kpe Aviti í sãsi agbɛɛ. Nŋui í jɛ inɛi Madiãa ŋa igũ si ilɛi Moabu. 36Nɔ Hadadi mɔ í na í ku, nɔ Samila inɛi Masireka í sãsi agbɛɛ. 37Nɔ Samila mɔ í ku, nɔ Saulu inɛi Rehobɔti iyi í wa itĩi idou mɔ í sãsi agbɛɛ. 38Nɔ Saulu mɔ í na í ku, nɔ Baali-Hanaa amai Akibɔɔ mɔ í sãsi agbɛɛ. 39Nɔ Baali-Hanaa amai Akibɔɔ mɔ í na í ku, nɔ Adaa inɛi ilu iyi à ya kpe Pao í sãsi agbɛɛ. Irii aboɛ mɔi í jɛ Mehetabeɛli ama inaaboi Materɛdi tɔkui Mezahabi.

40Irii tɔkui Esau ŋau wee, aŋa iyi à jɛ ilu kpasɛ̃ ŋa si ilɛi Edɔmu, inɛ fei si dimiɛ do ilɛɛ, Timuna do Aliva do Yetɛti 41do Oholibama do Ela do Pinɔɔ 42do Kenazi do Temaa do Mibusaa 43do Magidiɛli do Iramu. Inɛ nŋu ŋau bɛi à jɛ ilu kpasɛ̃ ŋa, inɛ fei si ilɛɛ ikã ikã. Esaui í jɛ balai inɛi Edɔmu ŋa.

Currently Selected:

Kusintii Andunya 36: MKL

Highlight

Copy