Kufita Kusinti
Kusinti
Tiai Kufitai í jɛ kumɔsii tiai Kusintii Andunya. Nŋui í sisi faajii inɛi Izirɛli ŋa hai bi ikui Zozɛfu hee í koo í to waati iyi Ilaaɔ̃ í nya inɛi Izirɛli ŋau hai ilɛi Ezibiti nɔ à dasi kpãa à waa nɛ ikpa ilɛ iyi Ilaaɔ̃ í cea Aburahamu kuwãɛu (Kusintii Andunya 15:13-16; 17:8).
Aa yɔkɔ a kpɛ̃ tiau ihɛ̃ ikɔ̃ ikã ikã mɛɛfa.
1. Iri 1:1-4:31. Ilaaɔ̃ í cica Moizi nɔ í kpoo koo faaba inɛi Izirɛli ŋa iyi à waa jɛ aru si ilɛi Ezibiti.
2. Iri 5:1-12:51. Ilaaɔ̃ í faaba inɛɛ ŋa nɔ í nyisi ilaalui Ezibiti iyi nŋu Aɔ̃ Lafɛ̃ɛi í jɛ ilu gbugbã fei.
3. Iri 13:1-20:21. Ilaaɔ̃ í gbã inɛi Izirɛli ŋau í fitaò ŋa hai ilɛi Ezibiti nɔ í dĩ akabuu do aŋa.
4. Iri 20:22-31:18. Ilaaɔ̃ í na inɛi Izirɛli ŋau woodaɛ ŋa ku ba ku teese ku jilɛ kuwɛɛ nŋa do bɛi à nɛ a tɔɔɛ.
5. Iri 32:1-35:3. Zamaai Izirɛliu í dedeò ide ku kɔ̀ si gãmɛi Ilaaɔ̃, amma iyi Moizi í dasi ideu gɛlɛ, Ilaaɔ̃ í ce nŋa didɔ̃ nɔ í ce nŋa suuru.
6. Iri 35:4-40:38. Inɛi Izirɛli ŋau à gũ ilei acɔ, nɔ amboei Aɔ̃ Lafɛ̃ɛ í naa í lɔ si inɔ ileu.
Tiai Kufita wa nyisi iyi zamaa iyi Ilaaɔ̃ í cicau, ilu dulum ŋai. Ilaaɔ̃ njɛ takaɛ í ya nyisi ŋa iyi nŋu í jɛ dee dee, nɔ kuwã ŋa iyi nŋu í cea bala nŋa ŋau fei á kɔ̃i.
Tiai Kufitau í nyi wa nyisi má iyi Ilaaɔ̃ í cea zamaaɛu didɔ̃ nɔ í dĩ akabuu do zamaau. Ilaaɔ̃ í na zamaau wooda ŋa ku ba ku nyisi iyi à jɛ inɛ ŋa iyi à nya ŋa ikã a jɛ ti Ilaaɔ̃ nɔ a nyisi dee dee ku jɛi Ilaaɔ̃.
Currently Selected:
Kufita Kusinti: MKL
Highlight
Share
Copy
Want to have your highlights saved across all your devices? Sign up or sign in
2021, SIM International et UEEB