MARK 16

Jisunii ringkakhii

(Met 28.1-8; Luk 24.1-12; Jon 20.1-10)

1Sateichii bam ntak piinei leimik tei sangsek-kii Meri Mekdolen, Jems pwi Meri ninado Salomi ahnyii teinii mangsii mpougo manukpyii tang karam manam kabi thao tei lyii wotakle. 2Hapta kito kareipiinei leimik tingchoi nukii leimik pat manoi ahnyii roubam kitei mangle. 3Teito ahnyii rangtiisii sam rashiitu takle, “Tanii nyiigo rou kamwi tukam tei koktoipyii tangpo?” 4Teito ahnyiinii jumakhii kuitu tei koktoi kabam tei ngoutakle kuitu tei hangkasii dile. 5Sateichii ahnyiinii rou lungtei tat kaliit kak, peira kaha bakalei sapfiimei karanumei hang- ninii ajiilam teito bam kalei tei ngou wosii ahnyii hangkapii sung gatakle.

6Nlenii mpounii ahnyii dakii tamle, “Sung gasulo, krosh gamkii gikalei Nazaret ki Jisugo gonyiinii fiileile, Mpounii ringkhii takle, mpounii aiki gale, julo, ahnyiinii mpougo tiikagoi bamtei. 7Nlenii tat tulo, mpou-boumeigo ninado Pitargo tam mangoulo, mpounii gonyii doi reisii Galiliki tatliit takle, mpounii gonyii dakii tam kapyii takumpiinii gonyiinii mpougo teikito ngou- tangle.”

8Teito ahnyiinii nlai patsii roubam kiteito paktu takle; dapokii ahnyii tei ka-nchyiipii ninado sung gatakle sateichii ahnyiinii kahing jangteipii meida kado mah kado tam makle.

Meri Mekdolen-nii Jisu ringkakhii kangou

(Met 28.9-10; Jon 20.11-18)

9Jisunii katai kito ringkhii kalu taihapta kito karei leimik piinei tingchoi nukii, mpounii sara kashyii sana baatoi kapyiipei Meri Mek- dolenda karei reisang kito mangoule. 10Teito mpoupeinii mpou-boumeigo tampyiile, ahnyiitei magesii ninado hatsii bamle; 11nlenii Jisu ringkhii takle ninado mpoupeinii ngoutakle katu tei shii wosii, ahnyiinii malum sutakle.

Jisunii mpou-boumei hangdakii kamangou

(Luk 24.13-35)

12Sateichii aitai, mpouboumei mei hangnanii sazyii ram hang- niniiki tatliit kalei kak ajai kataam hangniniipii mpounii mpoupiina dakii mangoupyiile. 13Teito mpou- piinanii nlaigong kakimei dakii tam- pyiile, nlenii mpoupiinanii katam samtei ahnyiinii malum sutakle.

Jisunii keariisakankii dakii kamangou

(Met 28.16-20; Luk 24.36-49; Jon 20.19-23; Tha 1.6-8)

14Kana nasang kito Jisunii kea- riisakankii dakii mangoule ahnyii mahchii kalei kak, mpounii ahnyiigo n-gile, dapokii ahnyiinii lung teisii malum kasu jangpii ninado mpounii ringkhii kalu tei mpougo ngou kalumeigo ahnyiinii malum kasu jangpii. 15Mpounii ahnyii dakii tamle, “Tat tulo, sazyii pouryii bam- lyii hangki sateichii meilui kalung hangda kabi rasamtei tam ralipyiilo. 16Malum kalumei ninado dwi mpum kalumei hang go tei keipyii tangle; ninado malum kasumei hang gotei tam mashyii tangle. 17Sateichii tiikamangou siiti aihang aipiinii kamalum meihang go kaswi tangle katunii: Gu zei kito ahnyiinii sara kashyii hang go baatoi tangle lat ka- taam kataam tam tangle; 18ahnyiinii gu zei kito sanhii poimakhii tangle sateichii ahnyiinii taitang karam dwi kara kata sak wokido, tei teipiinii ahnyiigo samah kado denglakle; ahnyiinii rakanimei phyii ryiikii ahnyii bah poikai tangle, teito ahnyiinii katchii kanhii hangtei tii-mbipyii tangle.”

Jisugo sating gam pang kakhii

(Luk 24.50-53; Tha 1.9-11)

19Aitiisii ahnyii dakii tam kalei tai Bangpii Jisugo sating gam pang makhii takle ninado mpounii Saraamah bah ajiilamto bam takle. 20Teito ahnyiinii mangsii bamhang kikii kabi rasamtei tampyii takle; Bangpiinii ahnyiigo kaswisii tha tii njoipyii takle, ninado kaswi kalei tiikamangou siiti hang teipiinii samtei tiisangting pyii takle. Amen.

Currently Selected:

MARK 16: NAG2

Highlight

Copy