MARK 15

Jisugo Pailat doi pang kakhii

(Met 27.1-2, 11-14; Luk 23.1-5; Jon 18.28-38)

1Tingchoi nukii Atingmei hangnii, katingmei hang go, Ajai tingshang kati ojamei hang go ninado sam katiimei hang go kaswisii sam rashiisii, Jisugo ring pei aitakle sateichii pangpatsii Pailat dakii pyii aitakle. 2Teito Pailatnii mpougo kachyiinhiile, “Nang Jehu- dimei mah Sagongpo?”

Teito Jisunii mpou dakii Khekalatle, “Nangnii katam teile.”

3Atingmei hang teinii Jisu gamkii kashyii hangkii tamkaile. 4Teito Pailatnii mpougo kachyiinhii loile, “Nang mah kado khekalat lakpo? Julo, ahnyiinii go phyiiryiikii daziika tam mashyii leipo.”

5Nlenii Jisunii makado nlailoisii khesutakle, teijangpii Pailatnii sung gatakle.

Jisugo katai samtak tiikapyii

(Met 27.15-26; Luk 23.13-25; Jon 18.39—19.16)

6Kaakamaju hang-ngi piinei leimik tei kabang kito kaleimei kak kito machiinii kamareimei hang- niniigo Pailatnii ahnyii jangpii mpat kapyii ajai bamle. 7Sateichii Barabas katu mei hangninii siiset saryii tiikakaimeigo kaswisii bang bamle, teisam kapat kiteito tei mei teinii meigo gitakle. 8Sateichii mei machii teinii tatpisii mpounii ahnyii jangpii ajaitai swisii tiipyii tang karam jangpii khangtu takle. 9Pailatnii ahnyiigo n-nhiile, “Gonyii jangpii Inii Jehudimei Sagong gotei mpat kapyii marai makpo?” 10Atingmei hangteinii Jisugo kamaimhii jangpii mpou dakii pyii- bamle katu tei Pailatniido tiigatpii tile.

11Nlenii tei tei supiinii Barabas go mpounii ahnyii jangpii mpatpyii matu tang karam jangpii, Ating- meihang teinii mei machii gotei kathwitu takle. 12Sateichii Pailatnii meimoi dakii nlailoisii tamle, “Teitii- leponii gonyiinii Jehudimei Sagong- sii lat kaleipii gotei Inii dapei tiilopo?”

13Teito ahnyiinii nlailoisii saale, “Mpougo krosh gamkii gi ailo,”

14Teito Pailatnii ahnyii dakii tamle, “Dajangpii, mpounii dapei kashyii tiipo?” Nlenii ahnyiinii kisii saatu takle, “Mpougo krosh gamkii gi ailo.”

15Teito Pailatnii machiigo lung kamang tiikanyii kito ahnyii jangpii Barabasgo mpatpyii takle, sateichii mpounii Jisugo lak lakpyiisii Krosh gamkii gitang karam jangpii pyiitoi aitakle.

Saryiimeinii Jisugo hoksii kanui

(Met 27.27-31; Jon 19.2-3)

16Saryiimei teinii mpougo Praetorium, katunii Sagong kilung pangliitle, teito ahnyiinii saryimei hang gotei lat ndwi takle. 17Sateichii ahnyiinii mpougo mazyiitoitoi katu paigang bakaipyiile, tu phyiihung hangninii ki wosii mpougo choipyii takle. 18Sateichii ahnyiinii mpougo matatu takle, “Mata leile, Jehudimei mah Sagong!” 19Teito ahnyiinii mpougo tingrangpii phyiibung lakle, jukikii poktai maswijoile ninado ahnyiinii kok-kumsii mpougo matale. 20Ahnyiinii mpougo hoksii nuisang sek-kii, ahnyiinii mpou gamto kamajyiipei peigang tei loktoipyii takle sateichii mpou nat tei kaipyiiloi takle, teito ahnyiinii mpougo krosh gamkii gitang karam jangpii pangsii tat tutakle.

Jisugo krosh gamkii kagi

(Met 27.32-44; Luk 23.26-43; Jon 19.17-27)

21Sateichii namdi kaki kito Sagong Alekjender nei Rofos pfii Simon katupii Sairen kito kaleimei tei teiki gongle, teito ahnyii hangpii mpougo Jisu mah krosh tei pung matu tang karam jangpii keishyiipii jumtakle. 22Sateichii ahnyiinii Jisugo Golgotha (katunii Phyiibung- rou bam) sii lat katu bam kitei pang gongle. 23Teito ahnyiinii myrrh-go ryii kaja katu jou tei mpougo pyiile, nlenii mpounii sak makle. 24Satei- chii ahnyiinii mpougo krosh gamkii gi aitakle ninado ahnyii kakto doi kabi tei jusii, mpou peimani tei ahnyii kakto njai takle. 25Sateichii ahnyiinii mpougo krosh gamkii kagi tei tingchoi pung sokchyii tinglangle. 26Mpougo tam mashyiisii ryii kabam teinii: “Jehudimei mah Sagong.” 27Teito ahnyiinii Jisugo kaswisii ka- ragamei hangna godo krosh gamkii gile, hangniniigo mpoubah ajiilam ninado hangniniigo abilamkii. 28(aitiisii kabi rasam kito: “Mpounii meigo kagi kabamei mah sadoi kashyiitei dou njoi takle” sii tam kabam samtei gong matwi takle.)

29Sateichii teiki tatpat tatliit katumei hangteinii aphyii kangumsii mpougo sam kashyii tamle; “Oh! saraaki tiikousii jangtumnii lungki- kii tiimakhii tang karampii! 30toinii krosh gamto humsii go rangtiisii goroinapii kei wolo.”

31Tei takumpii atingmei hang teiniido, ajaitingshang kati ojamei hang go kaswisii ahnyii roipii ahnyii kakto hoksii nuisii tamle, “Mei kakimei gonii mpounii keipyiile, nlenii mpou roipii mpou gonii keiwo makle. 32Toinii Krista, Isrelmei mah Sagong, toinii krosh gamto hum matulo, nyiinii ngousii malum kabui jangpii.” Sateichii mpougo kaswisii krosh gamkii gi kabampiina niido mpougo tam mashyiile.

Jisunii katai

(Met 27.45-56; Luk 23.44-49; Jon 19.28-30)

33Pung saruk sekto sokchyii katang kaktei sazyii pouryii matum madum tei myii ai takle. 34Sateichii pung sokchyii kata tinglang kaktei Jisunii rok sagoisii saale, “Eloi, Eloi, lama sabachtani?” Katunii “Gu Bangpii, Gu Bangpii, nangnii n-gu dajangpii toi aipo?”

35Teikito kaleimei kangkanii mpougo shii wosii tamle, “Koikinglo, mpounii Ilaijahgo lat leile.” 36Sa- teichii mei hangninanii pakmaa, sponze hangninii kikii kahengdwi sumwosii ating hangninii toikii sabiit tosii mpou mwi kikii kaipyiisii tamle, “Koilo, Ilaijahnii gong mpougo krosh gamto poimang pyii pyiilakpo, nyiinii jule je.”

37Teito Jisunii rok sagoisii saasii taitakle.

38Teito karataki lungkii lam kabam peira tei aphyiito akang katang hetriit hangna tiitakle. 39Sateichii Jisugo ju karyiisii kuto sat kalei saryii mpfii kadipii teinii abangpii teinii aitiisii katai tei ngou wosekkii, mpounii tamle, “Mei aipou ai Saraa nah sapfii mpou kasang teile.”

40Sateichii sapwimei kangkado kak dhiihaisii jusii leile, ahnyii kaktei Meri Mekdolen, Jems kara- nupii nei Joseph pwi Meri ninado Solomi haile. 41Jisunii Galili kito kalei kak, ahnyiinii mpou-tai swisii anga ngapyiile sateichii mpougo ka- swisii Jerosalemki kagong sapwimei kaki kadaziikado haile.

Jisugo kagoi

(Met 27.57-61; Luk 23.50-56; Jon 19.38-42)

42-43Sateichii tingkhii lamtei gong kado, bam ntak piinei leimik gong kasunii tiikakada piinei leimik katu taiswisii, katingmei hang kak kito adzyii ka-nroumei, mpouroi- piinado Saraa sating sazyii gongtang karam gotei koisii kalei Arimatiya mpfii Joseph tei gongle; mpounii kahing gasii Pailatda liitsanii Jisu mah pumrong tei khang wotakle. 44Sateichii Jisu taitakle sek-kii Pailat teinii sung gatakle ninado saryiimei mei haimah kadipii gotei lat tosii Jisu tai kalei katangkii takdesii mpou dato n-nhiile. 45Sa- teichii mpounii saryiimei mei haimah kadipii dateito tei tei tiwosek-kii, Joseph go katai pumrong tei pyii aitakle. 46Teito mpounii kounah- maipei hangninii lyii wosii mpougo poi m-mangsii kamajyii kounahmai pei teipii kajyiisii, kuitu kadi kikii biit kabam roubam kikii mpougo goi aitakle sateichii mpounii roubam mah takam ki teikii kuitu kadi hangniniipii kalwi makat aitakle. 47Teito Meri Mekdolen ninado Joseph pwi Meri teinii mpougo goi kabam nitei ngou takle.

Currently Selected:

MARK 15: NAG2

Highlight

Copy