NAMBAR 36
36
Zelofehada nâinupanghai irchon lua dân
1Khan Gilead irchi panama a luhai, Makira nâihai, Manasea tuhai, Josefa irchi laia mi chu Mosia le Israel irchi hruaituhai makunga an honga, an kuang, 2#Nam 27.7 “Rengpa’n ram hi Israel irchihai kuang tasâna sem hrangin nang a hrila, khabana, kin sûngsuakpa Zelofehada irchon khom a nâinupanghai kuanga pe hrangin nang a hril saa. 3Khannisian panam danga mi le an ilua a ni’n chu, an irchon chu kha panamhai ta hong ni ta a ta, kin ram ata kha inhnotpaiin om an ti. 4Khan Jubili kum a hong tunga irchon zuara lei om tâk chu, a chongpu kuanga inkhîr nôk nî a hong tung tena khom, Zelofehada nâinupanghai irchon an va ilua panam mihai ta hong ni ta a ta; kin pi le puhai ram ata inhnotin om ta an ti,” an tia.
5Mosia’n Rengpa thupêk angin Israelhai thu a pêkhaia, “Manasea irchihai thuhril hi a dik a ni, 6Zelofehada nâinupanghai chungchâng thua Rengpa thupêk chu hiang hin a ni: a sa an iti ang chu an lua theia, khannisian an pahai panam chanpui laia mi ngêt an ini hrang a ni. tiin. 7Khanchu Israel irchihai ram chu panam danghai kuanga sonpai ni no nia, Israel irchihai hin an pi le puhai ram chu an inei mai hrang kêng. 8Israel irchihai laia nupang irchon luatuhai kaiin chu an panamhai laia mi ngêt an ilua hrang a ni. Khaang khan Israel mi tinin an pi le puhai irchon lua an ta. 9Khanchu ram chu panam danghai kuang hong son va sonin om no ni. Panam tinin an ram chit chu an ilua hrang a ni,” a tia.
10-11Khan Rengpa’n Mosia thu a ipêk ang lam takin Zelofehada nâinupanghaiin an thoa, Malaii, Tirzaii, Hoglaii, Milkaii le Novaii haiin an pa urêngpa nâipasalhai chu an luahai tâka. 12Josefa nâipa Manasea irchihai chu an luaa, an ram chu an panam sûng chita a om mai tâka.
13Hihai hi Rengpa’n Mosia hmanga dân le thupêk Israel irchihai kuanga Jeriko irdîna Jordan râla Moab phâizôla a ipêkhai chu a ni.
Currently Selected:
NAMBAR 36: HRACLBSI
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
