DÂN INHNINA 3
3
Israelhaiin Oga an inhnê
(Nam 21.31-35)
1Hmâr tiang panin Basan ram kin tunga, Edrei kho kôla an rêng Oga khan a mi murdi leh an ni lei doia. 2Rengpa khan, ‘Ngîk no ro, a mihai le a ram hi, ama le ile nang ki pêk ta. Amor rêng Sihona, Hesbon kho rêng ni isoisak ang dên khan soisak ro’ a ni tia. 3Khanchu, Rengpa kin Pathianin Basan rêng Oga kha a mihai leh a ni pêka, inkhat lua hôi loiin kin that zithaia. 4Argob bial, Basan rêng Oga ram sûnga om khopui murdi kha kin lâka, kho sômruk zel a ni, a khua lâkpai pe loi zel om mah. 5Hi khuahai hin kul bang irsâng tak tak, inkhâr le a kalna satak tak a om zita, an kôlvêl khuahai khom kin lâk zit a ni. 6Hesbon rêng Sihona kin soisak ang dên khan an khuahai kha kin insiat zita, nupang pasal, nâipanghai ten khom kin that zit a ni. 7An sâhai le an thil neihai rêk chu râllâk suma kin lâk zit thiai a ni.
8Hi Amor rêng inhni ram, Jordan dung sak tianga mi hi Arnon dung ata Hermon tâng dênin kin irchupuia. 9Hermon hi Sidon-hai khan Sirion an tia, Amor-hai rêk chu Senir an ti 10Basan rêng Oga ram murdi kha kin irchupui zit a ni, tâng sîp zôla khuahai, Gilead biala omhai kha Basan bial pumpui Saleka le Edrei dênin kin dong tâk a ni. 11Refa-hai laia la dam sun chu Basan rêng Oga hi a ni; irngai ta, a’rkuang kha lung irkuang a nia, mûk pangai mûk kuaka sei, mûk minlia irzat a ni: atûn ten Amon-hai khua Raba-ah a la om.
Jordan sak tianga om tâk namhai
(Nam 32.1-42)
12Hi ram kin lâk hnung hin Reubena le Gada irchihai kuang Arnon dung irhôr chung tânga Aroer khua sim tiang ram kha Gilead tâng ram chimrip leh kin pêka. 13Gilead ram la om le Basan ram kha Manasea irchi chimrip kuang kin pêk saa. Basan ram pumpui hi Refa-hai ram ti a ni ngai. 14Manasea irchi Jaira khan Argob bial, Basan ram hi, Gesur-hai le Maakahai ramri dênin a lâka; khuahai kha a’rhming kopin irhming thar a phuaa, Harot-Jair atûn ten an la ti a ni.
15Gilead ram kha Makira, Manasea nâi ki pêka. 16Reubena le Gada irchihai kha Gilead le Arnon dung kâr ram hi ki pêka. Sim tiang an ramri kha Arnon dung inlai tak a nia, hmâr tiang khan Jabok dung a ni, Amon-hai leh an ri chu. 17Kho thang tiang ri khi Jordan dung hi a nia, Galili dîl ata Tuipui Thi, Pisga tâng kôl ten a dêna.
18 #
Jos 1.12-15
Kha lai khan thu nangni ki pêka, ‘Rengpa nin Pathianin hi ram hi ramchâr hrangin nangni a ipêk a ni, nin laia hriamhrei chôi thei ten kha nin urêng Israel pâl makunga Jordan dung nin hong ikâi masa hrang a ni. 19Sa a sân nin neia, nin sâhai, nin dôngma le nâi le tehai hi chu, hi nangni ki ipêk khuahai hin lei om an ta, 20nangni ang dêna nin urênghai hin Jordan thang tiang ram Rengpa pêk hranga lungngam taka an om sa thei mâka chu, nin urênghai hi, nin ichangpui hrang a ni. Kha zoi tika chu nangni ki ipêk hrang nin rama hin kîr thei nin ti. 21Josua kuang khom ki hrila, nin mit ngeiin rêng inhni chunga Rengpa khan a isoisak hrang a ni. 22Anni kha ngîkhai no unglân, Rengpa nin Pathian khan nangni doipui thiai a ti.
Mosia, Kanaan ram hmu loi hrang
23Kha zoro lai khan Rengpa kuang, ‘O Rengpa Pathian, ni siahlo hi ni roiinpuizia le ni sinthotheizia ni inentir phing a la ni. 24Irnênga le irvâna, hi thil roiinpui ni itho ang tho thei hi pathian dang zel om mahai. 25O Rengpa, Jordan dung fe kâiin ram satak, tâng ram satak tak, Lebanon tânghai kha, lungkham takin nin hmutir sa ta,’ tiin ki ngêna.
26Nangni sikin Rengpa kha ki chunga ning an murtira, ki thu chu irngai nuam maka, Rengpa khan, ‘a ruk ta, hril khom hril ta no roh. 27Pisga tâng sîpa kâiin lân, kho thang tiang hai, hmâr tiang hai, sim tiang hai, nisua tianghai thîr vêl ro; ni mit khan enin lân, a sir chu ni isir loi hrang a ni, Jordan dung kâi no chi ni. 28Josua kha a itum inthûktir hrangin inthor ual ualin lân, ni ihmu rama hin, hi mihai hi hruai a ta, a in luatir hrang a ni, a tia. 29Khanchu, Bethpeor kho dep rama khan kin om tâka.
Currently Selected:
DÂN INHNINA 3: HRACLBSI
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
