DÂN INHNINA 2
2
Ramchâra om sûng
1 #
Nam 21.4
A mong taka chu Rengpa thupêk angin kin kîr nôk lele tâka; Tuipui Sen tiang kin pana, Edom tâng ram chu sôttak ei vêla. 2Rengpa khan, 3“Hi tâng hi nin vêl sôt ta hrai ta, hmâr tiang pan roi,” a ni tia. 4#Irp 36.8 Edom tâng ram nin ife theng hrang a nia, nin urêng hlatak, Esaua irchihai ram kha nin ife theng hrang a ni, a sân nangni lei chi an ti. 5Khannisian, nin idoi hrang ni ma, an ram chu buk hni te lua nangni pe no ning. Seir tâng ram kha Esaua irchihai ta hrangin ki pêk tâk a ni. 6Bu le tui nin nuamin chu an kuang ata nin irchôk hrang a ni, a tia.
7 Rengpa nin Pathian khan lam tinrênga sat nangni a vura, ramchâr irzat taka nin irvâk laihai khan nangni a enkol thiaia, nin Pathian Rengpa khan kum sômminli sûng chu nangni a ompuia, ite irsam mak chêi kha te.
8 #
Irp 19.37
Khanchu, kin fe thiaia, kin urêng Esaua irchi, Seir tânga omhai kha tehel kin zonga. Elat le Ezion-geber ata Jordan phâi lampui kin pansana; hmâr nisua tiang irheiin Moab ram kin pan tâka. 9Rengpa’n ki kuang, ‘Lota irchi, Moabhai chu, hong inbuai no roi, nin idoi hrang ni ma. Ar khopui chu an ilua hranga ki ipêk hrang ni ma,’ a tia. 10(Ar khuaa hin mi lian hrâttak tak Em an itihai an om ngai. Mi lian chi dang, Anak an itihai dôra irsâng an ni sa. 11Refa-hai ti an ni sa, khannisian, Moabhai khan Emhai an ti ngai. 12Edom rama hin Hor-hai an om ngai; khannisian, Esaua irchihai hin an irzûlpaihai zit a ni, an indartira, an ram chu an luapai pehai ta a ni. Khaang dên khan Israelhai khomin Rengpa’n ram a pêka lei omhai chu an inhnotsuakhai a ni).
13 Rengpa thupêk angin Zered dung kin irkâna, 14#Nam 14.28-35 Kades-barnea kin suaksan ata kha kum sômthum a fe tâka; kha zoro laia varâl kâi kakai chu Rengpa iti ang ngêtin a thi zit nam an ni ta. 15Rengpa khan a’rhmangtirhai ving mâka chu, a idoihai mai a ni.
16An thi zoi zit hnungin, 17Rengpa’n ki kuang, 18‘A vuan hin Moabhai ramri, Ar khopui kôla fe theng nin ta, 19#Irp 19.38 Amon-hai, Lota irchihai ram va tung nin ta, anni chu inbuaihai no roi, doihai sa no roi, an ram chu an omna hrangin ki ipêk tâk a ni, a hlekte khom nangni pe no ning,’ a tia.
20(Kha ram kha Refa-hai ram ti a ni ngai. Amon-haiin chu hi mihai leh Zamzum-hai an ti. 21Anak-hai ang dêna irsâng a ni, tamtak an nia, nam hrât tak an ni ngai; khannisian, Rengpa khan a that zôia; Amon-haiin an ram chu an neia, an lua tâk a ni. 22Esaua irchi, Edom mihai hrangin Seir kha Rengpa’n khaang dên khan a itho pe a ni. Rengpa khan Hor-hai kha an boipaia; Edom-haiin an ram kha an lua tâk a ni. 23#Nam 27.12-14; Dhn 32.48-52 Mediteranean tuipui vakama Kret chômbung mihai an lei oma, A phuta om Av-hai kha an irhmangtira, an ram kha an luaa, Gaza dênin an neipai zit tâk a ni.)
24Moab ram kin khêl hnungin Rengpa khan, ‘Thoiin lân, Arnon dung hi irkân roi, Amor rêng Sihona, Hesbon kho rêng kha, a ramhai leh nin kuta ki pêk tâka; doi unglân, a ram kha irchupui roi. 25a vuan ata irthokin nin makunga irvân hnuaia om murdi ki inchitir hrang a ni, nin irhming vai khom an inhriatin inthing nor nor an ti,’ a ni tia.
Israelhaiin Sihona an inhnê
(Nam 21.21-30)
26Kedemot ramchâr ata Hesbon rêng Sihona kuang irngei thu chôiin palai ki tîra. 27‘Ni rama hong theng kin ti, chang tiang le vei tiang pêt no ni ung. 28Kin nêk hrang bu le kin in hrang tui khom nin kuang ata la zit kin ti; kin Pathian Rengpa ni pêk ram, Jordan râl kin tung mâka chu hong theng kin ti. 29Seir rama om Esaua irchihai le Ar khuaa Moab-a omhai kuang kin itho ang dên khan ni ram fe theng ringot ni phal pe ro’ ki tia. 30Hesbon rêng Sihona khan a rama kin ife theng chu phal maka, kin inhnêa a ram ei neipai pe theina hrangin Rengpa khan a lungrîl an ngartira, a tukul a inlian a ni; atûn ten a ram kha kin neipai pe tâka.
31 Rengpa khan, ‘Sihona le a ram kha khom neipai pe unglân, lua roi,’ a tia. 32Sihona le a pâl murdihai khan Jahaga a ni hong doia. 33Kin Pathian Rengpa khan ama kha a nâihai le a pâl murdihai khan ama kha a nâihai le a pâl murdihai le a ni pêka, kin that zita. 34A khua murdi kin lâka, kho sûnga omhai kha nupang pasal, a chîn a lian, kin inboipai zita, tûte hôihai ma ung. 35An sâhai rêk chu râllâk suma kin lâka, khuaa râllâk sum danghai leh kin ilâk a ni.
36Arnon dung irhôr tâng chunga khua Aroer ata a tuidunga khopui omhai kha Gilead dênin kin ilâk theiloi zel om ma, Rengpa kin Pathianin a ni pêk zit a ni. 37Amon-hai ram rêk chu hro ma ung, Jabok dung kâi ma ung; vadunga khopuihai le tâng rama khopuihai, Rengpa kin Pathianin hro a ikhaphaia khan chu kâi ma ung.
Currently Selected:
DÂN INHNINA 2: HRACLBSI
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
