2 RÊNGHAI 17
17
Israel rêng Hosea
1Ahaza chu Judahai rêng kum sômhleihni a ni kumin, Ela nâipa Hosea chu Israel rêng a nia, Samari khuaa kum kuak an lala. 2Rengpa mithmua thilsual a thoa, matona Israel rênghai ang dôra sual chu ni ual maka. 3Assuria rêng Salmanesera’n a doia, Hosea khom a le’rpêk saa, kum tin khâzana a chôipuihaia, 4Kum khat chu Hosea’n Aigupta rêng Soa#17.4: Soa hi tu mo a ini inhriat na ma, “Saisa-ah om Aigupta rêng tihna khom a ni thei” kuang palai a tîra, a changpui hrangin a ngêna, a kum tin khâzana chôia Assuria kuanga a ipêk ngai kha pe nuam ta maka. Salmanesera’n kha thu kha an hriatin, Hosea a chela, zêl ina a khum tâka.
Samari khua siatna thu
5Salmanesera’n Israel ram chu a doi tâka, Samari khua kha ar huala; kum thum ar hual tena chu, 6Hosea kum kuak an lal kumin, Samari khua chu Assuria rêngin a lâk tâka; Israelhai chu suakin a hmanghai ta. Assuria rama a hruaihaia, senkhat chu Hela khuaa an omtirhaia, senkhat chu Gozan bial Habor tui kôla le Media ram khuaa an omtirhaia.
7Israelhaiin an Pathian Rengpa rengata thilsual an tho sikin, Samari khua chu a isiat a ni ta. Aigupta rêng kut ata a sensuaka, Aigupta rengata a hruai suaka; khannisian, pathian dang an biaksan ta. 8Nam dang, anni ata inhnotsuakhai omdân kha an lâka, Israel rênghaiin thil saloi tak an itho ngai kha an la tho nuam maia. 9An Pathian nuam loi lam tak Israelhaiin an thoa; an omna khua a chîn le a lian hmun tina, nam dang pathian biakna hmun irsâng an siamhai maia. 10#1 Rng 14.23 Mual le tâng tam dôrin, thingkung sa le inhrip omna dôra lung millim le pathiannu Aseri irlim thing an phun insiphaia. 11Ram ata Rengpa inhnotsuak tho dân angin nam dang maichâmhaia khan rimhoi an hâla. An thilsual thohai khan, Rengpa chu a ning an inmurtir uala. 12Rengpa thupêk, millim biak loi hrang a iti zôm nuam loiin an oma.
13 Rengpa’n Israelhai le Judahai hril hrangin a tirtôn le deipuhai a tîr ngaia, “Nin omdân intirom hi masan unglân, nin irchibulhai laia ki dân pêkna lekhabua chuang ki siahlo deipuhai ihril; ki thupêk le ki inkunghai zôm unglân, tiin. 14Khannisian, zôm nuam viat mahaia, an puhai angin tukullian an songa, an Pathian Rengpa chu iam nuam viat loiin an oma. 15A thupêkhai kha zôm nuam loiin an oma, an pahai le thuthung chu an mâksana, an irchutirna inkhat khom zôm nuam loiin an oma. Chanlamboi thu, millimhai biakin an oma, Rengpa’n an omdân la no roi” a ti an kôla nam danghai omdân an lâka. 16#1 Rng 12.28 Rengpa an Pathian thupêk murdi chu an hnôla, dâr thîrin sehrâtte irlim inhni an irkula, chubai an mûka. pathiannu Aseri irlim an siama, ârsi chubai an mûka, Baal sin an thoa. 17An nâinu le nâipahai khom nam dang pathian makunga hâlirvôm thil inhlanin ram khohri le mitphil theihai leh irthopin. Rengpa mithmua thil saloi tinrêng tho hrangin an irpêk lût a ni; khasikin, a ning an inmurtir a ni. 18Israel mihai chunga Rengpa ninginmur, a hmu loina hmuna a’rzûlhaia, Judahai vai an iom tâk a ni. 19Judahai khomin an Pathian Rengpa thupêkhai zôm ual loiin, Israelhai tho dân angin an oma. 20Rengpa’n Israel murdi chu a ihnôlhai a ni ta, deng an theihaia, râl ichiom tak takhai kuta a pêkhaia, a hmu phâk loina hrang hmuna a tîrhai ta a ni.#Dhn 18.10
21 Rengpa’n Israelhai kha Judahai leh a’rsentirhai zoiin, Nebata nâipa Jeroboama chu rêngin an siama, Rengpa mâksan hrangin Israelhai chu a hrilhaia, sual saloi tak a inthotirhai a ni kha. 22Jeroboama hnung an zuia, thilsual a itho dôr, anni khomin an thoa. 23A siahlo deipuhai hmanga a ihril angin a hmuphâk loina rama a inhnotpai sabak a ni ta. Khanchu, Israel mihai chu Assuria rama atûn ten hin sala an intâng a ni ta.
Assuria-hai Israel rama an om
24Assuria rêngin Babulon hai, Kuth hai, Iva hai, Hamath le Sefarvaim khuaa omhai chu a hruaia; Israel suaka hruaia omhai irthûlin Samaria#17.24: SAMARIA ti hi khua irhming a nia, bial inkhat irhminga an hmang tâk a ni. rama an omtira; kha khuahai kha an luaa an iom a ni ta. 25An om phut laiin chu Rengpa biakna lam châng inhre loiin; kâmkeibaknei a tîra, a sêhaia. 26Assuria rêng chu Samari ram khuaa mihriam siahaiin kha rama an Pathian dân inhre loiin an oma, khasikin chung Pathianin kâmkeibaknei a sê hranga a itîr a nih ti thu a hrila. 27Rengin, “Suaka kin ichel ochai inkhat kha insuain lân, an ram Pathian dân irchutira, an laia oma irchutirhai hrangin tîr roi,” a tia. 28Khanchu, Israel ochai inkhat Samari khua ata suaka an ichel chu a fea, Bethel-a a lei oma; khatak ata mihaiin Rengpa biak hrang dân ar chutir ta.
29Samari rama om tâkhaiin anni millim an siamhaia. Israelhai Pathian biakna hmun hranga an isiama khan an siaa, pôl tamtakhai khomin an omna hmun tina millim an siamhai maia. 30Babulon ata honghaiin Sukoth Benot illim an siama, Kuth mihaiin Nergal-a illim an siama, Hamath-haiin Asima illim, 31Iva mihaiin Nibaza illim le Tartaka illim, Sefarvaim haiin an pathian Andramelek le Anamelek illim kôla an nâinu le nâipahai hâlirvôm thilinhlan hrangin an thathaia. 32Hi mihai hin Rengpa chu an ibiak tâk a ni, an laia tukhom ochai an changtirin chu nam dang pathian biakna hmun irsânga ochai sin an inthotira, an thilinhlan hrang an lei irfûk pehai ngai a ni. 33Rengpa chu an biaka, an hongna ram tho dân angin an pathianhai an ibiak sa mai ngai a ni.
34 #
Irp 32.28; 35.10 A vuanhai tena an tho dân milui an la itho mai a ni. Rengpa chu an ibiak taktak thei loi a ni, a dân le a thupêk, Jakoba irchi, Israel irtihai laia pêk chu an izôm loi a ni. 35#Fes 20.5; Dhn 5.9 Israel mihai le Rengpa’n a thuthunga, “pathian dang biak no roi, chubai khom mûk no roi, an sin khom tho no roi, an kôla thil khom inhlanhai no roi. 36#Dhn 6.13 A zoi tâkhai le thei taka Aigupta ram ata la suakhai thu hi zôm roi, chubai ni mûk nin ta, thil khom nin inhlan hrang a ni. 37Nin ta hranga ki irziak, dân le thupêkhai hi nin izôm mai hrang a ni, pathian danghai thu nin izôm hrang ni ma. 38Thuthung nangni ki isiam pehai hi nin irnghil viat hrang ni ma. 39Kei nin Pathian, Rengpa thu hi nin izôm hrang a ni; khanchu nin râlhai ata nangni sansuak ki ti,” a tia. 40Khannisianlân, kha mihai khan an mikuar lût no ni, an tho tum chu tho mai an ti.
41Hi mihai hin Rengpa chu chubai ar hmingin an imûk a ni, an millim chubai mûk an la irhnik ual a ni, an irchihai khomin atûn ten an la itho mai a ni.
Currently Selected:
2 RÊNGHAI 17: HRACLBSI
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
