2 RÊNGHAI 16
16
Juda rêng Ahaza
(2 Tsn 28.1-27)
1Remalia nâipa Pekahia chu Israel rêng kum sômhleisari a ni kumin, Jothama nâipa Ahaza chu 2kum sômhni mi a nia, Juda rêng a changa. Jerusalema kum sômhleiruk an lala. A pu Davida angin Rengpa mithmua thil sa tho maka; Rengpa nuam lam tho loiin a oma. 3#Dhn 12.31 Israel rênghai tho dân saloi a zui a ni. Ama nâipa inkhat chu hâlirvôm thilinhlan hrangin a thata. Millimhai makunga ar hlana; Israelhai kôla Rengpa inhnotsuakhai nam danghai thil tho intirom tak an itho ngai a thopuihai a ni. 4Tâng tianghaia, thing inhripom tak takhai omna rikipa thilinhlanin, rimhoihai a hâla. 5#Isa 7.1 Suria rêng Rezina le Israel rêng Pekahia khan Jerusalema an doia; khannisianlân, inhnê loiin an oma. 6Hi zoro hin Edom rêng Rezina’n Ela khua a suthaia, Juda omhai chu an hnotsuakhaia, Edomhai chu Ela khuaa atûn ten hin an iom tâk a ni.
7Ahaza’n Assuria rêng Tiglat Pilesera kuang palai a tîra, “Ni siahlo, ni nâi ki ni, Suria rêng le Israel rêngin an ni doia, khasikin anni kut ata hi ni sansuak ta ro,” a tia. 8Khan Ahaza’n Rengpa tempil le rêng sum siana in ata tangka le rângachak om chu Assuria rêng êsêl entîrna’n a thona. 9Assuria rêngin Ahaza ingên angin Damaska khua chu a sipaihai leh an doia, a lâka, Rezina chu a thata, a mihai chu a khopui Kir khuaa suakin a dônhaia. 10Assuria rêng Tiglat Pilesera hmu hrangin Ahaza chu Damaska khuaa a fea, Damaska khuaa maichâm chu a ena, ochai Uria a koia, an maichâm siam dân chu chipchiar takin an entira. 11Uria’n Damaska khuaa maichâm ang zekin a siama, Ahaza hong kîr mân a siam zoia. 12Damaska khua ata a hongin chu, Ahaza’n maichâm siam zoi sai chu a hmua. 13Rengin hâlirvôm thilinhlanin, bu le bâl thil inhlanin, Uain thilhai le, a fâk nêk zongtu thisen nei thil inhlanhai chu maichâma khan an theka. 14#Fes 27.1-2; 2 Tsn 4.1 Dâr maichâm, Rengpa makunga inhlan sai maichâm thar le tempil kâra khan a oma, a thonpaia, maichâm thar hmâr tiang khan a sia pea. 15Uria kuang khan, “Ki maichâm hi a lian ual a nia, zîng tiang le khohloi tianga hâlirvôm thilinhlanna’n hmang inlân, rênghai le mipuihai hrang bîka thilinhlanna’n bu le bâlhai khomin hmang sa inlân, mipui uain thilinhlan khan bun sa ngai ro. Hâlirvôm le thil dang thisen khom hi maichâm hi inthek ngai ro. Dâr maichâm chu ki Pathian biakna hrangin hrê irthiangtir ro,” a tia.
16Uria’n rêng thupêk angin a thoa. 17#1 Rng 7.23-39; 2 Tsn 4.2-6 Reng Ahaza’n dâr irbu irsût thei chu a kheka, tui siana tuibêl chu a lâka. Dâr tuipang sechal sômhleihni chunga om chu a sonpaia, lung irchuan chunga a siaa. 18Assuria rêng hrât loi lungchukna’n Ahaza chu tempil ata irthokin rêngtoihmun irkulna toihmun a lâk sona, tempila rêng lûtna hrang bîka siam lampui an hrukpai tâka.
19Reng Ahaza sintho dang murdi chu Juda rênghai thurchi irziakna lekhabua a chuang. 20#Isa 14.28 Ahaza chu a thia, Davida khopui rêng thâna an phûma, a nâipa Hezekia chu a’rthûlin an lal nôk ta a ni.
Currently Selected:
2 RÊNGHAI 16: HRACLBSI
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
