2 RÊNGHAI 15
15
Juda rêng Uzia
(2 Tsn 26.1-23)
1Jeroboama inhnina chu Israel rama kum sômhni sari an lal kumin, 2Amazia nâipa Uzia chu kum sôm kum ruk mi a nia. Judahai rêng a nia, Jerusalema kum sômringa kum hni an lala. A nu chu Jerusalem mi Jekoli a ni. 3A pa Amazia angin Rengpa mithmua thil sa a thoa, nam dang pathianhai biakna hmun chu insiat nuam maka, mihaiin thilinhlanin mirimhoi an la ihâl mai a ni. 4Khasikin, rêng kha Rengpa’n a zuang tôna, a dam sûnga inphâr, a bingin an isia a ni ta. 5A nâipa Jothama’n rêng in sûngkua chu a hruaia, Judai ram chu a ilua a ni ta.
6Uzia sintho danghai chu Juda rênghai thurchi irziakna bua a chuang. 7#Isa 6.1 Uzia chu a thia, Davida khopuia rênghai irphûmna thâna an phûma, a nâipa Jothama chu ama irthûlin an lal tâka.
Israel rêng Zekaria
8Uzia chu Judai rama kum sômthum kum riat an lal kumin, Jeroboama nâipa Zekaria chu Israel rêng a hong nia, Samari khuaa tha ruk an lala. 9Ama matona rêng danghai angin, Rengpa mithmua thilsual a thoa, Israelhai a ihruai insualna sual kha, masan thei loiin. 10Jabesa nâipa Zaluma khan Zekaria chu a khitphiara, Ibleam#15.10: Bu senkhat lei irhletna miluia chu “Ibleam” ti a nia, Hebraia chu “Mipui makunga” ti a ni. khuaa a thata, ar thûlin an lal ta. 11Zekaria sintho danghai chu Israel rênghai thurchi irziakna lekhabua a chuang. 12#2 Rng 10.30 Jehua kuanga Rengpa thuhril, “Ni’rchi chu irlo minli dênin Israelhai rêng nih an ti,” a iti angin a hong ichuk a ni ta.
Israel rêng Saluma
13Uzia chu Juda rêng, kum sômthum kuak a ni kumin Jabesa nâipa Saluma chu Israel rêng a nia. Samari khuaa tha khat an lala.
14Gadia nâipa Menahema chu Tirza rengata Samari khuaa a honga, Saluma chu a thata, ar thûlin an lal tâka. 15Saluma sintho danghai chu Israel rênghai thurchi irziakna lekhabua a chuang. 16Tirza rengata Menahema a hong hro lai khan Tapua#15.16: Hebraiin “Tapse” ti a ni. khua chu ama thu hnuaia an om nuam no sikin, an siatpaia, a sûnga omhai le a ram vêla omhai chu a thathaia, nupang inrâi laihai khom an phîng vun a sunthêr pehai a ni.
Israelhai rêng Menahema
17Uzia chu Juda rêng kum sômthum kuak a ni kumin, Gadia nâipa Menahema chu Israel rêng a nia. Samari khuaa kum sôm an lala. 18Rengpa mithmua thilsual a thoa, Nebata nâipa Jeroboama thilsual tho, Israelhai hruai insualna sual kha a dam sûngin masan thei maka. 19Reng Tiglat Pilesera’n Israel ram a doia, Menahema’n tangka sumru her sîngthum sângminli a lei pêka, ni nuampui a tih iti sabeiin. 20Menahema’n Israel mi irchonghai tangka sômringain a suthaia, kha sum kha a pêka; khanchu, Tiglat Pilesera chu an ram tiang a fe nôk ta.
21Menahema sintho danghai chu Israel rênghai thurchi irziakna lekhabua a chuang. 22A thia, an phûma, a nâipa Pekahia chu a’rthûlin an lal nôk ta.
Israel rêng Pekahia
23Uzia chu Juda rêng kum sômringa a ni kumin, Menahema nâipa Pekahia chu Israel rama an lala, Samari khuaa kum hni an lala. 24Rengpa mithmua thilsual a thoa, Nebata nâipa Jeroboama thilsual tho, Israelhai hruai insual kha masan nuam loiin, 25a sipai hruaitu inkhat Ramalia nâipa Pekahia’n Gilead khua mi sômringahai leh an khithaia. Pekahia chu Samari khua kul Argob le Aria#15.25: Argob le Aria hi i tihna ma ni, inhriat ni ma, senkhatin chu mihring irhming angin an iam. kôla an thata. ar thûlin an lal nôk ta.
26Pekahia sintho murdi chu Israel rênghai thurchi irziakna lekhabua a chuang.
Israel rêng Pekahia
27Uzia chu Juda rêng kum sômringa inhni a ni kumin, Remalia nâipa Pekahia chu Israel rêng a nia. Samari khuaa kum sômhni an lala. 28Rengpa mithmua thilsual a thoa, Nebata nâipa Jeroboama thilsual tho Israelhai hruai insualna masan loiin a oma. 29Pekahia inlal zoro hin Assuria rêng Tiglat Pilesera hin Ijon khua, Abela Bethmaka, Janoa, Kades le Hazor khua hai lâkin, Gilead ram, Galili ram le Naftalia ramhai a lâk saa, mipuihai chu Suria rama a thonhaia. 30Uzia nâipa Jothama chu Judahai rêng kum sômhni a chang kumin, Ela nâipa Hosea’n Pekahia chu khitphiarin a doia, a that tâka, ar thûlin an lal ta. 31Pekahia thiltho danghai chu Israel rênghai thurchi irziakna bua a chuang.
Juda rêng Jothama
(2 Tsn 27.1-9)
32Remalia nâipa Pekahia chu Israel rêng kum hni a chang kumin, Uzia nâipa Jothama chu, 33kum sômhni ringa mi a nia, Judahai rêng a changa, Jerusalema kum sôm kum ruk an lala, a nu chu Zadoka nâinu Jerusi a ni. 34A pa Uzia sintho angin Rengpa mithmua thil sa a thoa. 35Nam dang pathian biakna hmun irsânghai chu masan loiin; mihaiin thil an la inhlan nôk maia, thil rimhoi an la ihâlna mai a ni. Tempil hmâr tianga inkhâr hi Jothama isiam a ni.
36Jothama sintho danghai chu Juda rênghai thurchi irziakna lekhabua a chuang. 37An lal lai hin Rengpa’n Suria rêng Rezina le Israel rêng Pekahia chu Judai ram doi hrangin a hong tîr a ni. 38Jothama chu a thia, Davida khopui rênghai thâna an phûma, a nâipa Ahaza chu a’rthûlin an lal nôk ta.
Currently Selected:
2 RÊNGHAI 15: HRACLBSI
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
