2 THURCHI SUINA 12
12
Aigupta-haiin Judai ram an rûn
(1 Rng 14.25-28)
1Rehoboama rêng a hong chang indet zoiin chu a mihai leh Rengpa dân uksak loiin. 2Rehoboama kum ringa an lal kumin Rengpa an uksak no sikin hremna an tuanga, Aigupta rêng Sisaka khan 3sakor tâli sângkhat irzahni, sakor chung chuang mi sîngruk le sipai tep zoi loi, Lub hai, Suki hai le Sudan sipai pâlhai leh Jerusalem chu an hong rûna. 4Judai ram kho kul neihai an hong lâka, Jerusalem khom an hong tung tâka.
5Sisaka chia Judai ram hruaitu Jerusalema hong rothai le rêng Rehoboama kuanga khan deipu Semaia chu a fea, an kuang, “Hi hi Rengpa thu chu a ni. Nin ni mâksana, kei khom Sisaka kuta nangni ki imâksan a ni,” a hong tia. 6Reng le hruaituhaiin, “Thilsual kin itho a ni, Rengpa hin a tho indik a ni,” an tia.
7An sinthohai kha an hriatin Rengpa thu chu Semaia kuang a zuang tunga, a kuang, “Thilsual kin tho an ti tâk sikin inhekhai ta no ning. Sisaka hin Jerusalem a hong doi tena, ki ningmurna chu Sisaka hmangin an chunga insum ual no ning, a sen chu an dam suak ki iphal pehai hrang a ni. 8Sisaka’n khua chu la a ta, irnêng rêng sintho le ki sintho an nang loizia inhria an ti,” tiin.
9 #
1 Rng 10.16-17; 2 Tsn 9.15-16 Sisaka’n Jerusalem chu a doia, a tempil le a rêngin thilhlu omhai chu a lâkpai vinga. Reng Solomona’n rângachak pho a isinhai khom a rêngin a lâkpai vinga. 10Khahai nêkin Rehoboama’n dâr le pho a sina, rêngin mikot hrungtuhai kuta a pêka, 11rêng chu tempila a fe richamin a hrungtuhaiin pho an chôia, an zuia; a hrungna sûnga an sia nôk ngaia. 12Rengpa kuang irhnuai takin an intûklût tâk sikin, Rengpa ningmur khan soisakhai ta maka, Judai rama mihai khom hoi takin an iom nôk thei a ni.
Rehoboama inlal sûng thu
13Rehoboama chu Jerusalema an lala, a rêng chang chu a det pe oka, rêng a changa hin kum sômminli mi a nia, Jerusalema kum sômhleisari roi a rêl saa. Israel ram murdia khuahai chu ama chubai mûkna hmun hrangin, Rengpa khan a inthang a ni. Rehoboama nu chu Amon mi, Naamaii a ni. 14Rengpa nuamlam sin tho hrang a ngaitua no sikin thilsual a thoa.
15A phut ata a mong dênin Rehoboama sintho le a in mihai thurchi chu deipu Semaia thurchi irziakna lekhabua a chuang. Rehoboama le Jeroboama chu an irdoi mai a ni. 16Rehoboama chu a thia, Davida khopuia an phûma, a nâipa Abija chu ama irthûlin an lala.
Currently Selected:
2 THURCHI SUINA 12: HRACLBSI
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.