2 THURCHI SUINA 11
11
Deipu Semaia thuhril
(1 Rng 12.21-24)
1Reng Rehoboama Jerusalem a va tungin chu, Benjamina mi le Judahai laia sipai sahai nuaikhat le sîngriat a bukhaia, hmâr tianga om Israelhai chu a thuhnuaia siahai nôk hrangin a ibei tum a ni. 2Khannisian, Pathian mi, Semaia kuang Rengpa thu a zuang tunga: 3Reng Rehoboama hai, Juda le Benjamina mihai kuang hiang hin an hriattira: 4“Nin urêng Israelhai chu doihai no roi, rot ving ta roi. An sintho chu keima thua an itho a ni,” tiin Rengpa thupêk an poma, Jeroboama kha doi ta mahaia.
Rehoboama’n kul a sin
5Rehoboama chu Jerusalema a oma, Judai ram le Benjamina-hai ram sûnga hi khuahai hi ar kula. 6Bethlehem hai, Etam hai, Tekoa hai, 7Bethzur hai, Soko hai, Adulam hai, 8Gath hai, Maresa hai, Zip hai, 9Adoraim hai, Lakis hai, Azeka hai, 10Zora hai, Aijalon hai, Hebron hai, 11Hi khuaa kulhai hi iamom takin a sina, kho tina hruaitu an thanghaia, kho tina buhai, oliv hriakhai, uainhai a bukkhôma. 12Ufeihai le pho a buka, khaang khan Judai ram le Benjamin rama mihai chu a thuhnuaia a isiahai thei a ni.
Ochaihai le Levi irchihai Judai rama an lûtna
13Israelhai ram bial tina om ochaihai le Levi irchihaiin sim tiang an pana, Judai rama an lûta. 14Levi irchihaiin an sâ vâina sahai leh an ram an inhroi kha an mâksana, Judai rama Jerusalema an honga, Jeroboama le a thûl hrangtuhai khan Rengpa ochaiin hmang nuam mahaia. 15#1 Rng 12.31 Jeroboama khan nam dang pathian biakna hmun irsânga sintho hrang, sehrâtchal irlim siam chophai le khohri biakna hmuna sin hrangin ama ochai a inkung a ni. 16Israel namhai laia Rengpa, Israelhai Pathian bê ta tak nuamtuhaiin Jerusalema Levi irchihai an hong zuia, an irchihai Pathian Rengpa kuang thilinhlan an inhlan theina hranga hong an ni. 17Hi sika hin Judai ram chu Solomona nâipa Rehoboama tiang an kopa, rêng Davida le Solomona inlal lai ang khan an iom a ni.
Rehoboama in sûngkua
18Rehoboama’n Davida nâi Jeremota nâinu Mahalati chu dôngma’n a neia, a nu chu Eliaba nâinu, Jesaia tunu Abihaili a ni. 19Nâipasal inthum Jeusa hai, Semaria hai, Zahana hai an neia, 20zoro hong sôt ual tena chu Absaloma nâinu Maaki a nei nôka, nâipasal minli Abija hai, Ataia hai, Ziza hai, Selomita hai a neihaia. 21Rehoboama hin dôngma sômhleiriat le lâksîr sômruk a neia, nâipasal sômthum kiriat le nâinupang sômruk kiriat a neia. A dôngma le a lâksîrhai laia Maaki hi an dit tak a nia, 22Abija hi a nâihai laia a inhlutak a nia, ama thûl hranga rêng chang hrangin a inthang a ni. 23Rehoboama’n a nâihai hmang dân a theia, Judai le Benjamina ram sûng khopui kul nei murdia hruaitu a siahaia, anni hrangin ar phal oka, dôngma khom an neitirhai tuaia.
Currently Selected:
2 THURCHI SUINA 11: HRACLBSI
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.