ROM OKILA
OKILA
Rom nunger dangi züluba Paul shiti ya pai Rom nung aliba arogoji semdangtsü atema lenmang renemba ka amai lir. Pa nükjidongji: Rom nung aliba tamangertem den khen munger, parnok teyari ajanga Spaini onüba liasü. Iba kaket nung Pauli sayutsüngiba tongtibang onüktem aika lir; kong pai amangbapur ka taküm nung tamang aser iba mapatem indang rateta zülu.
Rom arogo nung aliba amangbapurtem nem salem agütsüba aser pai parnok atema sarasademtsüba sülenbo pa shiti nükjidong: kechiyong Tsüngrem tsüngdang temeten angubaji tamang ajanga lir (1:17) ta shia iba indang zülu.
Pauli ano pa nükjidongji rasa-a zülu. Temenen tashi kübok ajak ali nung, Yihuda nungertem aser Bendangertem ajaki Tsüngrem madang temeten angutsü nüngdak. Aser ibaji Yisu dak amangba ajanga metendaktsür. Tanabuba nung, Tsüngrem den lungjemdaksübaji Khrista nung taküm tasen akümba agi ta Pauli zülu. Tamangertem Tsüngrem den yimjung yangluba jagi temenen nungi sala-a Tsüngrem Tanelai nüji agütsür. Tapu 5-8 nungji Tsüngremer Ozüng aser Tsüngrem Tanela ain amangbapur dak koda alir itemji rasa-a zülu. Iba sülen kodaser Yihuda nungertem aser Bendangertem külemi iba Tsüngremer sentong nung ka aküm ta pai zülu. Yihuda nungertemi Yisu magizükbaji ashiko meimchir ajak Yisu Khrista nung Tsüngrem taochi ngudaktsütsü Tsüngremer nükjidong ka liasü südi ta pai bilem. Tatemsa Khristan kati adianu den koda alitsü, yimten yimli aser yimsüsürtem kübok alitsü aser mulungsentsü tajung agi ajak den kasa litetba, iba sülen Tsüngrem nem tenüngsang agüja pa o atem.
Keta Alibatem
Okila aser nükjidong 1.1-17
Tekümtetji meimchir nüngdak 1:18―3:20
Tsüngremer tekümtet lenmang 3:21―4:25
Khrista nung taküm tasen 5:1―8:39
Tsüngremer sentong nung Israel purtem 9:1―11:36
Khristan jaklaro 12.1-15:13
Tatembang aser Salem 15:14―16:27
Currently Selected:
ROM OKILA: AONAGABSI
Highlight
Share
Copy
Want to have your highlights saved across all your devices? Sign up or sign in
Ao Naga C.L. Bible
© Bible Society of India, 2004.
Used by permission. All rights reserved worldwide.