MATHI OKILA
OKILA
Osangtajung Mathi nung Yisuji tenangzükba Kümtetdakba, shiba ajanga Tejen Lai nung Tsüngremi pei nüburtem dang nangzükbatem atalokdaktsü ta angur. Iba Osangtajung ya Yihuda nungertem koba lokti nung Yisu aso aser ali, parnok asoshi dang masü, saka alima meimchir ajonga asoshi lir.
Iba kaket ya kanga junga dang tatongi zülua lir. Idaki Yisu asoba, baptiba, mojingi atitangba, aser pai lokti dang sayutsüngiba, tesayuba aser tanebtsüba mapa Galil lima nung inyakba; ajisür Yisu Galil nungi Yirusalemi aoba, aser pa tatembangba hapta koba sülen kangki nung angenlok aser shia aru item indang tatongi zülu.
Mathi Yisuji tesayur Tulusang, shiba dak Tsüngremer Ozüngtem ratettsü tashi liasü, aser Tsüngremer yimli indang sayusang ta aja. Yisu tesayubatemji shilem pungusü küma lemsatsü akok: (1) Tenem nung sayutsüngiba, kong nisung kati koma pa taküm jakla-liro nung alitsüla iba indang sayu (5-7), (2) Tenyaba mapa atema nütsüng terana nem tesayuba agütsüba (10); (3) Kotak yimli indang o-entepbatem (13); (4) Nütsüngsüba indang rateta sayuba (18); (5) Tatem anogo aser tarutsü aliba Kotak yimli indang tesayuba (24-25)
Keta Alibatem
Yisu Khrista jakzükdak aser pa asoba 1:1―2:23
Yohan Baptitsübai inyakbatem 3.1-12
Yisu baptiba aser atitangba 3:13―4:11
Yisui Galil nung inyakbatem 4:12―18:35
Galil nungi Yirusalemi aoba 19:1―20:34
Tatembangba hapta Yirusalem aser temeket nung 21:1―27:66
Shia aruba Kibuba aser nütsüngtem dangi adoka sayuba 28.1-20
Currently Selected:
MATHI OKILA: AONAGABSI
Highlight
Share
Copy
Want to have your highlights saved across all your devices? Sign up or sign in
Ao Naga C.L. Bible
© Bible Society of India, 2004.
Used by permission. All rights reserved worldwide.