MALAKI 4
4
Kibuba Anogo Tulu
1“Kechiyong ajiang, misem ama ronga anogoji arutsü, aser mezümekümer ajak aser tamajung inyaker shia motembang akümtsü, aser tarutsü anogo jagi itemji rongtokadoktsü, oda aji agi itemji tera süshia kongsang süshia metoktsütsü, ta Temeranger Kibubai ashir. 2Saka nenok kü tenüng akhüm tsüburtem asoshi temeshiba anü pa tashikang nung tanebtsü bener adoktsü, aser nashi ki nungi nashi chanutemi ama nenoki pungtena adoktsü. 3Aser nenoki tamajunger madak ajemshitsü; kechiyong ni inyaktsüba anogo nungji nenok tetsüng kübok ni parnok aut kümdaktsütsü, ta Temeranger Kibubai ashir.”
4“Kü tenzüker Mosa ozüng, koba ni pa dang Horeb nung Israel ajak asoshi mela, oda tzüzüng-ozüng aser o bendangba, nenoki bilemtetang. 5#Mat. 11.14; 17.10-13; Mar. 9.11-13; Luk. 1.17; Yoh. 1.21 Ajiang, Kibuba anogo tulu aser tetsübutsüji marudang ni nenok dangi Elija yoktsü. 6Aser ni arua linük atakatem agi tongdakja lir ta tsüraburtem temulungjang techirtem dangi aser techirtem temulungjang tsüraburtem dangi pai meyipdaktsütsü.”
Currently Selected:
MALAKI 4: AONAGABSI
Highlight
Share
Copy
Want to have your highlights saved across all your devices? Sign up or sign in
Ao Naga C.L. Bible
© Bible Society of India, 2004.
Used by permission. All rights reserved worldwide.
