MATHI 1

Yisu Khrista Jakzükba

(Luk. 3.23-38)

1Abraham chir Dawid, aser Dawid chir Yisu Khrista jakzüka aruba kidong otsü:

2Abraham nungi Isak jakzük; Isak nungi Yakob jakzük, Yakob nungi Yihuda aser adianutem jakzük; 3aser Yihuda nungi Tamar agi Perez aser Zera jakzük; aser Perez nungi Hezron jakzük aser Hezron nungi Rama jakzük, 4aser Rama nungi Aminadab jakzük; Aminadab nungi Nashon jakzük; aser Nashon nungi Salmon jakzük 5aser Salmon nungi Rahab agi Boaz jakzük; aser Boaz nungi Ruth agi Obed jakzük; aser Obed nungi Yesse jakzük; 6aser Yesse nungi Dawid chuba jakzük:

Aser Dawid nungi Uria kinungtsü agi Solomon jakzük; 7aser Solomon nungi Rehoboam jakzük, aser Rehoboam nungi Abia jakzük, aser Abia nungi Asa jakzük, 8aser Asa nungi Yehoshafat jakzük; aser Yehoshafat nungi Yoram jakzük; aser Yoram nungi Uzia jakzük; 9aser Uzia nungi Yotham jakzük, aser Yotham nungi Ahaz jakzük, aser Ahaz nungi Hezekia jakzük 10aser Hezekia nungi Manase jakzük; aser Manase nungi Amon jakzük; aser Amon nungi Yosia jakzük; 11#2 Ch. 24.14,15; 2 Pu. 36.10; Yer. 27.20 aser Babilon limai pur aodang, Yosia nungi Yekonia aser pa adianutem jakzük.

12Aser Babilon limai pur or külen, Yekonia nungi Shealtiel jakzük; aser Shealtiel nungi Zerubbabel jakzük, 13aser Zerubbabel nungi Abiud jakzük; aser Abiud nungi Eliakim jakzük; aser Eliakim nungi Azor jakzük; 14aser Azor nungi Zadok jakzük; aser Zadok nungi Akim jakzük; aser Akim nungi Eliud jakzük; 15aser Eliud nungi Eleazar jakzük; aser Eleazar nungi Mathan jakzük aser Mathan nungi Yakob jakzük, 16aser Yakob nungi Mari kinungpu Yosef jakzük; iba Mari agi Yisu shiba dang Khrista ta ajar, Paji aso.

17Anungji Abraham nungi Dawid tashi ajak agi aso terpezü liasü; Dawid nungi Babilon tepuokdaki aoba tashi nung aso terpezü, aser Babilon tepuokdak nungi Khrista tashi, nung aso terpezü liasü.

Yisu Khrista Asoba

(Luk. 2.1-7)

18Yisu Khrista asobaji yamai atalok. Yisu tetsü Mari, Yosef den kibong akümtsü renema jembir alidang, parnok ano kibong mekümjungi Tanela Temeshi ajanga la temang mazüngi akümba meteta aru. 19Yosefji ochishir nisung ka asünung, la maksüdaktsütsüji pai memulungi liasü, anungji la nungi miima piladoknü. 20Pa mulung nung yamaji bilema alidang, ajiang, Kibuba tenyar kati pa dangi pungmang nung adoka ashi, “Dawid chir Yosef, Mari ne kinungtsü asütsü anioktsü kecha tetsübuma, kechiaser la dak tangloka alibaji Tanela Temeshi agi lir. 21#Luk. 1.31 Lai jabaso ka asotsü aser nai pa tenüng Yisu ta ajatsü; kechiyong pai pei nüburtem parnok temenen nungi kümzüktsü.” 22Ainkar ajanga Kibubai jembiba o ya ataloktsü asoshi ya ajonga atalok.

23“Ajiang, tasüngtet, aiürji temang mazüngi akümtsü aser jabaso ka asotsü, parnoki pa tenüng Immanuel ta ajatsü; koba tetezü ‘Tsüngrem asen den lir.’ 24Yosefi mejanga aoba nungi sak aser Kibuba tenyari pa dang metetdaktsüba amaji benshi, aser pai pei kinungtsüji agi, 25#Luk. 2.21 saka jabasoji maso tashi la den memedemi liasü; aser Yosefi pa tenüng Yisu ta aja.

Currently Selected:

MATHI 1: AONAGABSI

Highlight

Copy